顧冠忠

顧冠忠（英文：Eddie Koo，1955年2月22號—）係香港男演員，而家係無綫電視基本藝人合約藝員。

顧冠忠
出生日	1955年2月22號  （69歲）
出生地	上海
國籍	中華人民共和國
職業	演員、電影演員
[改維基數據]
睇 傾 改

簡歷

顧冠忠17歲考入張徹導演嘅長弓公司演員訓練班，後來再考入邵氏同無綫電視合辦嘅「演員訓練中心」，成為第四期學員，1974年畢業，1975年簽約邵氏，初期多數演反派同配角，後尾慢慢升至主角。顧冠忠戲路廣闊，男女角色、正邪人物都演到，被稱為「千面小生」。作爲邵氏電影演員，顧冠忠參演過70幾齣電影，同大部份導演，包括張徹、楚原、桂治洪、王風、程剛、華山、孫仲等等都合作過。

1979年，顧冠忠連續主演咗三部王風導演嘅片，被睇成極有前途嘅電影演員；同年麗的電視指定揾佢「救火」，接替徐少強主演武俠劇《天蠶變》，喺電視界嶄露頭角，後尾再喺續集《天龍訣》做主角雲飛揚。

1984年，顧冠忠應臺灣華視邀請拍《天蠶再變（中文：天蠶再變 (電視劇)）》喺臺灣走紅，繼而留喺臺灣發展。1987年，顧冠忠喺臺視《玫瑰人生（中文：玫瑰人生 (電視劇)）》飾演男主佐藤英夫，成為佢時裝劇嘅成名作，並獲提名第23屆金鐘獎（中文：第23屆金鐘獎）最佳男演員。1990年主演中視《浴火鳳凰（中文：浴火鳳凰 (1990年電視劇)）》，劇集成爲臺灣電視史上經典劇目之一，喺2009年中視40週年經典戲劇票選入面榮膺第一。

顧冠忠喺臺灣廿年，參演近50部臺劇，當中以古裝劇居多，八九十年代嘅臺灣經典古裝劇幾乎每部都見到佢，有時係風度翩翩嘅俠客，有時係陰險狡詐嘅奸徒，以犀利嘅眼神著稱。

2013年簽約無綫電視。

出面網頁

• 顧冠忠喺香港影庫嘅資料（香港繁體）
• 顧冠忠喺互聯網電影資料庫嘅資料（英文）
• 顧冠忠喺豆瓣電影嘅資料（簡體中文）
• 顧冠忠喺時光網嘅資料（大陸簡體）
• 顧冠忠喺tvb.com嘅資料