顏汶羽

顏汶羽（Frankie Ngan，1986年8月31號—），係香港親中陣營民建聯黨員、第七屆香港立法會議員、觀塘區議會議員（佐敦谷選區，2012年到而家）。

2023年嘅顏汶羽

公職

• 香港再出發大聯盟發起人^[1][2]
• 觀塘佐敦谷關愛隊成員
• 民建聯第17屆執行委員^[3]
• 九龍社團聯會觀塘地區委員會委員^[4]

政治立場

佢係香港親中派人士，支持排除異見嘅所謂愛國者治港^[5]。透過關愛隊支持並推廣北京未經諮詢或香港人同意，強行訂立嘅《港版國安法》^[6]。

選舉經歷

2011年第4屆香港區議會選舉，佢代表民建聯參選佐敦谷選區，以2,234票打贏力爭冧莊嘅民主黨嘅黃偉達，之後兩屆，佢亦喺同一選區成功冧莊。其中喺2015年香港區議會選舉，佢攞到2,638票^[7]。

喺2021年9月，佢成為香港特别行政區選舉委員會委員(港九分區委員會、地區撲滅罪行委員會及地區防火委員會委員代表)^[8]。同年12月參選第7屆香港立法會選舉嘅九龍東選區地區直選，佢以64,275票當選，成功喺黨友柯創盛手上接棒^[9][10]。

2022年，佢喺李家超無提政綱嘅情況下，有份提名李家超參與2022年香港行政長官選舉^[11]。