《冰雪女王 》(粵拼 : bing1 syut3 neoi5 wong4 )係由丹麥 作家 漢斯·克里斯汀·安徒生 寫嘅一個童話故事 ,1844年 出版。呢份作品成個故仔 都圍繞住主角 居 goe1 魯達 同佢個好朋友阿啟 經歷嘅善 同惡 之間嘅爭鬥。
上面呢幅插畫 描繪畫畫人想像中嘅冰雪女王。
《冰雪女王》係安徒生童話 當中最受歡迎嘅作品之一。到咗21世紀 初,呢個童話故事仲畀人改編做電影 等嘅作品,例如2013年迪士尼 奇幻片 《魔雪奇緣 》,條橋 kiu2 就係嚟自《冰雪女王》嘅。
《冰雪女王》喺第啲話 入面嘅名如下:
丹麥文 : Snedronningen
挪威文 : Snødronningen
英文 : Snow Queen ,個英文名係雪女王 噉解。
日本話 :Yuki no Joou —寫嗰陣通常會用漢字 加平假名 寫做雪の女王 。
標準官話 :Bīng xuě nǚ wáng (冰雪女王 )—同粵語 用相同嘅漢字 ,但讀音唔同。
個故仔主要有以下呢啲角色:
魔鬼 :邪鏡嘅創造者;佢可以話係成個故仔嘅大奸角 。
居 goe1 魯達 (Gerda):主角 ;佢因為青梅竹馬嘅好朋友畀冰雪女王帶走,而踏上漫長嘅旅程。
阿啟 (Kai —類似粵拼 : kaai1 ,呢度譯做啟 kai2 ):居魯達嘅童年好友;佢受邪鏡影響而變得冷酷,仲畀冰雪女王帶走。
冰雪女王 :有強大法力 、能夠掌控冰 雪 嘅神秘女王 ;冰雪女王嘅嘴有魔力,一個人類畀佢惜 sek3 一啖就會唔記得自己嘅親朋好友,心變到好似冰一樣咁凍。可以睇吓仙子 同埋元素精靈 嘅概念。
呀噉
《冰雪女王》係安徒生其中一件最長嘅作品,當中七段嘅內容大致如下[1] :
邪鏡碎咗 :話說好耐好耐以前有一塊邪鏡 ;呢塊邪鏡係由魔鬼 (化咗身做隻山怪 )打造嘅,邪鏡有魔力,照親啲乜都會令嗰樣嘢嘅樣變得醜惡;有一日,魔鬼想捧塊邪鏡上天堂 用嚟整蠱上帝 同眾天使 ,途中唔小心畀塊鏡由高空跌咗落地,塊鏡跌爆咗,啲碎片飛到周圍都係;當中有啲碎片飛咗入人嘅眼同心裏面,呢啲人跟住就會受邪力影響,唔再睇到身邊嘅人幾咁美好,性格會變得冷酷無情;而魔鬼見到邪鏡碎片為世人帶嚟痛苦,就睇到捧腹大笑[註 1] 。
主角出場 :喺一笪好遠嘅地方有個鎮仔,鎮入面有一個叫阿啟 嘅男仔同一個叫居魯達 嘅女仔;佢哋青梅竹馬,由細玩到大,最鍾意夏天嗰陣一齊喺花園 玩同種玫瑰 ;到咗冬天,佢哋就會去嫲嫲屋企暫住;喺一個凍冰冰嘅冬日,鎮上面經歷一場暴風雪 ,期間有一塊邪鏡碎片飛咗入阿啟嘅眼裏面,令到阿啟嘅心變到好似冰一樣咁冷酷,仲開始疏遠居魯達;而打後有一日,阿啟喺度玩雪橇 ,玩玩吓撞到冰雪女王—冰雪女王惜 sek3 咗阿啟一啖,阿啟就係噉忘記咗居魯達,跟住冰雪女王走咗。
魔女花園 :居魯達出發四圍去搵阿啟,問天問地仲問埋條河 。佢搵搵吓,去到一座終年如夏嘅花園,座花園嘅女主人對居魯達好友好,施法令個花園百花齊放,想說服居魯達留低;居魯達初頭接受咗主人嘅「好意」決定留低,不過佢第二日喺花園裏面見到玫瑰,就諗返起阿啟,即刻逃出花園;點知佢一出返花園外面,就發現秋天已經到咗—嗰位望落好好人嘅花園主人,查實係魔女 。
呢幅畫 描繪居魯達嚟到魔女嘅花園。
遇上王子 :居魯達繼續一路打聽阿啟嘅行蹤一路搵;途中佢撞到一隻烏鴉 ,就問佢有冇見過阿啟;烏鴉諗住居魯達想搵王子 ,就帶佢靜靜雞偷入王宮;居魯達同烏鴉最後被發現,不過王子聽到居魯達嘅遭遇就心生同情,仲招待咗吓居魯達;到咗最後,王子送咗啲衫、一隻馬同一架馬車 畀居魯達,等佢可以繼續上路搵阿啟。
強盜個女 :居魯達坐住架馬車上路期間撞到強盜,畀佢哋捉住咗;其中一個強盜個女想要居魯達做佢朋友陪佢玩,居魯達因而得以保住條命;居魯達跟住強盜返佢哋嘅城堡 ,強盜女嘅寵物鴿話見到阿啟跟住冰雪女王,居魯達然後就同強盜講明成件事嘅來龍去脈,打動咗強盜女,呢個強盜女跟住就放咗居魯達,而居魯達由在場嘅動物口中打聽阿啟嘅行蹤,打聽完就即刻出發去搵阿啟。
考遇阿婆 :居魯達一路向北進發,前往冰雪女王嘅宮殿,途中遇到一個芬蘭 阿婆,阿婆道出居魯達點樣先可以救返阿啟[2] —
「佢(居魯達)唔需要我畀啲咩力量佢。你睇唔到佢幾勁咩?咁多人同動物都畀佢打動,就係因為佢嘅純潔同埋童真嘅心。如果佢唔能夠獨自去到冰雪女王嗰度,並且將塊玻璃碎消滅,我哋都做唔到啲乜。」
冰雪宮殿 :行咗漫漫長路,居魯達卒之到達佢嘅目的地—冰雪女王嘅宮殿;一眾雪花 上前想阻撓居魯達,不過居魯達唸天主經 ,令到天使出現驅散冰雪,居魯達就趁機進入宮殿;宮殿裏面有一個結咗冰嘅湖 ,冰雪女王坐喺佢嘅王座上面,望住阿啟攞住一塊塊嘅冰好似七巧板 噉嚟玩;阿啟完全集中晒精神,彷彿好似忘記晒世上所有嘢噉;居魯達見返阿啟就覺得好開心,佢跑上前去攬實阿啟,仲悲喜交集到喊咗出嚟—點知居魯達溫暖嘅眼淚,令到阿啟結咗冰嘅心解凍,而嗰股溫暖令到插咗喺阿啟個心度嘅邪鏡碎片溶化;喺下一刻,阿啟終於開始再感受到愛,記返起居魯達;
「居魯達,真係你!我做乜會喺度嘅 ge2 ?呢度咁鬼凍!」
呢幅畫描繪畫畫人想像嘅冰雪女王。
返屋企 :兩個人跟住仲開始一齊跳舞同埋講返起屋企嘅嫲嫲,跳完之後佢哋就離開冰雪女王嘅宮殿返屋企。一到屋企,佢哋好開心噉發現自己已經大個咗,而且返到嗰陣正係盛夏;而最後,嫲嫲打開本聖經 ,講到《馬太福音 》好出名嘅 18:2-5 [註 2] :
「除非你哋變到好似細路(咁純真),否則你哋唔會入得到天國 。」
《冰雪女王》舉世聞名,係安徒生其中一件最出名嘅作品。有好多後世嘅創作品都有由呢個故仔度取材。
喺呢啲創作品當中,2013 年嘅迪士尼 奇幻片 《魔雪奇緣 》(Frozen)可以話係最出名,套戲一度風靡全球,帶起咗唔少商品同埋網絡迷因 。據講迪士尼原本係諗住將套戲個故仔建基於《冰雪女王》嘅,但後嚟佢哋決定對情節同角色做出大幅度嘅更改—原版冰雪女王係個奸角 ,而《魔雪奇緣》嘅主角愛莎 雖然同樣係一位有能力操控冰雪嘅女王,但就係一個值得觀眾同情嘅角色 ,而且《魔雪奇緣》仲講到有位鄰國王子想謀殺公主 搶奪王位,係原版個故仔完全冇嘅[3] 。
有啲版本會攞走呢部份,索性話塊鏡係屬於冰雪女王嘅。
I can give her no greater power than she has already," said the woman; "don't you see how strong that is? How men and animals are obliged to serve her, and how well she has got through the world, barefooted as she is. She cannot receive any power from me greater than she now has, which consists in her own purity and innocence of heart. If she cannot herself obtain access to the Snow Queen, and remove the glass fragments from little Kai, we can do nothing to help her...