陳雲生

  提示：呢篇文講嘅唔係陳雲 (學者)或陳雲海。

陳雲生，BBS，MH（英文：Chan Wan-Sang），祖籍浙江，喺上海出生，香港傳統親中派民建聯黨員。曾擔任屯門區議會L06友愛北選區嘅區議員。

佢1991年首次當選友愛邨區議員，直至喺2015年區議會選舉入面輸咗畀工黨譚駿賢（得票1,731），中止區議員生涯。

陳雲生多次藉社會話題追擊泛民主派，例如向執法機構如廉政公署申訴等，甚至訴諸一啲泛民主派已經澄清咗嘅流料（例如：陳方安生獲十成按揭謠言^[1]）。不過，有好幾次最後都被發現係陳雲生自己誤解，或者係泛民主派無心之失並得到執法機構信納。

個人生活

佢老公係同屬民建聯嘅龍瑞卿^[2][3]，因此佢哋兩公婆被稱為「屯門區神鵰俠侶」。

參考

1. 〈香港前政务司长陈方安生被指误导公众(图)_新闻中心_新浪网〉。news.sina.com.cn。喺2022-04-23搵到。
2. 〈政情：龍瑞卿隨時執死雞入「會」 - 東方日報〉。orientaldaily.on.cc。喺2022-05-02搵到。
3. 〈素人社工出戰龍門 誓踢走民建聯廿年老鬼 | 獨媒報導〉。《獨立媒體》。2019-11-23。喺2022-05-02搵到。