From Wikipedia, the free encyclopedia
陳偉強係香港親中派同政治人物學者,,新世紀論壇成員[1],而家喺理工香港專上學院社會科學、人文及設計學部擔任講師[2],主要教授當代中國科目,曾經喺2008年至2015年間擔仼油尖旺區民選議員(富柏選區)[3][4]。
佢喺香港浸會大學同香港中文大學,分別攞到歷史學學士學位同哲學碩士學位。佢亦曾經喺香港中文大學、倫敦大學同埋香港公開大學執教[5]。
佢係香港親中派嘅一員,亦因為政治立場衍生咗一啲爭議。
2013年,領匯宣布收回海富街市,當時引起咗唔少風波,有商戶形容喺租約問題上被領匯欺騙,而呢個計劃亦令到當區居民要買餸嘅話,就要去到比較遠嘅大角咀同旺角街市[7]。亦有商戶尋求當區區議員嘅陳偉強幫忙[8],但陳偉強就被批評潛水,而當時協助商戶嘅余德寶,去到1年半後接受訪問嘅時候,亦批評陳偉強有出賣居民之嫌[6]。
2019年10月,政府用《禁蒙面法》應付逃犯條例所引發持續嘅民間示威活動。陳偉強批評有關規例刑罰過輕,認為要用暴動罪重判喺逃犯條例參與社運嘅違法示威者,言論引起學生不滿。喺10月8號,佢同學生理論,結果俾百幾個學生包圍成個課室指罵佢。佢當時自己冇出聲講嘢,但之後聲稱自己被非法禁錮,並形容學生做「暴徒」。之後,香港專上學院嘅學生會會見校方代表,批評陳偉強言辭失當兼中傷學生,唔配教書,又質疑陳唔能夠持平對待唔同政見嘅學生。校方之後表示,基於學生學習利益,嗰個學期會先暫停陳嘅課堂教學。而院長亦表明,唔會用暴徒形容當時現場嘅學生[3][4]。
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.