長湴站

長湴站（粵拼：coeng4 baan6 zaam6；英文：Changban Station）係廣州地鐵6號綫嘅車站，2013年12月28號開放，位置喺天河區天源路嘅長湴村北邊，324國道嘅K975標記位。

長湴 CHANGBAN
長湴站嘅站名
概覽
車站代碼	622
位置	天河區天源路入面，長湴村北邊（324國道嘅K975標記位）。
座標	23°10′42.32″N 113°20′57.61″E
車站色
經過路線	6
啟站	2013年12月28號
月台數	1
站口數	2
營運資訊
車站服務時間	06:10～23:15
列車服務時間	06:05～23:36
廣州地鐵6號綫 潯峰崗　◄天河客運站 （1km） （2.2km）植物園►　香雪

從2013年12月28號到2016年12月27號為止，呢個站係6號綫嘅東邊總站。

結構

樓層

呢個站一共有2層樓嘅地下區域，其中地下1樓係站廳，有票務設施，客務中心同商鋪；地下2樓係6號綫月台。雖然車站冇休息室，但廁所喺月台西南邊。

打掂

地下 １樓	站廳	站廳、售票機、客服中心
地下 ２樓	2月台	←6號綫列車去天河客運站（行潯峰崗嗰邊）
	島式月台，開左邊門
	1月台	6號綫列車去植物園站（行香雪嗰邊）→

打橫

長湴站嘅站廳

長湴站嘅月台

柱上啲字

站廳

長湴站嘅站廳收費區喺車站西北邊。東南邊係過街通道。收費區有好多部扶手電梯同樓梯、專用𨋢往返月台都得。

月台

呢個站有一個島式月台，喺天源路嘅地底。

另外喺車站東北邊有條雙存車線。從2013年12月28號開通咗6號綫後，啲列車都喺呢啲存車線返轉頭直到2016年12月27號尾班車收車為止。2016年12月28號頭班車開出後，雙存車線除中間兩條用嚟做短線車（潯峰崗⇆長湴）嘅用途外，兩邊嘅存車線改成往返香雪站嘅線路，唔再做存車線用途。

商舖同自助服務

呢個站得好少商舖同自助服務，凈得一間便利舖同埋一臺櫃員機。

商舖 7-Eleven

自助服務 中國民生銀行自動櫃員機

出入口

長湴站冚唪唥嘅出入口
A出入口 A出入口  C出入口 C出入口

呢個站有2個出入口，分别係A同C。

編號	標記	去到邊度
出入口A	天源路	天源路、華南商貿職業學院、射擊場(北行)巴士站
出入口C	天源路	天源路、廣東省實驗中學附屬天河學校、廣東交通職業技術學院、東升廠(南行)巴士站、射擊場(南行)巴士站
註： 有盲人引導徑 | 有輪椅升降臺 | 有斜道

頭尾班車信息同配線圖

配線圖
█ 6號綫 ▲植物園站
▼天河客運站

行去邊頭	頭班車	尾班車
每日
6號綫
潯峰崗站	06:10	23:15
香雪站	06:25	23:32
注意： 喺晚黑最後一班車開走之前嗰5分鐘之內， 係唔畀入閘坐車（包括埋買車飛）。

車站歷史

規劃

呢個站最先喺1997年嘅《廣州市城市快速軌道交通線網規劃研究（最終報告）》出現，嗰時講嘅係7號綫嘅中途站。直到2003年轉成而家嘅6號綫車站，但嗰時定咗做元崗站。後嚟地鐵方將6號綫拆開咗兩期嚟起而成為一期嘅東邊終點站。

施工

2005年，呢個站正式開工起。直到2012年1月11號晚黑（UTC+8）貫通咗天河客運站到呢個站嘅右線盾構隧道^[1]。

開通

2013年12月28號開通6號綫後無耐嘅長湴站，喺東南邊月台（而家嗌1號月台）寫嘅係「終點站」，電視上嘅報站提示都寫「請勿上車」嘅事項。但而家1號月台上面嘅「終點站」標示牌喺2016年12月20號拆走咗，電視上嘅報站提示喺2016年12月25號都改成「去香雪站」嘅字樣。

2013年12月28號14:00，6號綫一期通車後而正式開通呢個站。隨後車站一直做咗6號綫東邊終點站身份直到2016年12月27號尾班車收車為止，2016年12月28號，由於二期東延段開通，路線亦延長到香雪站，呢個站降級成6號綫嘅中途站。

附近車站同出入口距離太遠問題

從2013年12月28號開通咗6號綫之後，雖然話A出入口隔離冇幾遠就係東升廠嘅巴士站，但係C出入口附近就非常之唔方便而俾街坊猛咁投訴^{[註 1][2]}。直到2014年11月16號，廣州市交通部門為咗方便市民同乘客出行而喺車站C出入口南邊50m嘅地方整咗「地鐵長湴站」嘅巴士站^[3]。

2015年5月4號，車站水浸。

2015年5月4號晚黑，當日廣州落暴雨。由於呢個站附近嘅地面市政排水設施出現淤塞現象，令大量雨水從車站出面順住出入口樓梯倒灌入站廳。站方即刻啟動緊急情報而閂咗C出入口^[4]。地鐵公司防洪搶險隊第一時間到咗現場處理洪水令車站嘅客運服務好快恢復正常，積水亦喺嗰晚黑退嗮^[5]。

利用狀況

呢個站嘅客流主要畀附近啲院校同埋少數工業區啲乘客用。2013年12月28號開通6號綫一期後，由於呢個站係一期終點站，所以做咗近到天源路，遠到廣汕公路同324國道增城段嘅居民會坐到呢個站落車出站或轉城際大巴。期間重出現行天河客運站嘅廣州城際大巴啲乘客有時喺呢個站落車轉地鐵。雖然喺禮拜五晏晝到晚黑同埋禮拜日晏晝到晚黑時段好多學生喺呢個站上落，及禮拜六、日行華南植物園嗰邊啲遊客會用呢個站落車之外，其它時間都好少人上落。

2016年12月28號，由於6號綫東延段開到香雪，所以喺呢個站以東喺廣汕公路上嘅院校同居民都唔會揀呢個站落車。但係去鎮龍或增城嗰邊啲人多數兜到高塘石站或黃陂站出站轉其它交通工具直達。期間因植物園站同柯木塱站未開通，所以嗰時去華南植物園啲乘客繼續揀呢個站或龍洞站上落。自從植物園站喺2017年6月28號開通之後，去華南植物園啲乘客都唔會揀呢個站上落。

註同攷

註

1. 因為長湴站嗰時嘅C出入口，距離附近東升廠站【西行】同射擊場站【西行】起碼至少約400米嘅路程，若果喺呢兩個其一巴士站落車嘅必須要行400～500米嘅路程先至到地鐵，而且巴士司機好多時喺乘客冇要求喺嗰兩個是旦一個站落車嘅情況下而直接飛站走人。

攷

1. 〈六号线盾构8标【天河客运站~长湴站】区间右线隧道贯通〉。原著喺2019-05-20歸檔。喺2016-11-26搵到。
2. 〈地铁站步行8分钟才有公交〉。《信息时报》。2014-01-04。{{cite news}}: CS1 maint: url-status (link)
3. 〈长湴站C出口设公交站啦！〉。《信息时报》。2014-11-20。{{cite news}}: CS1 maint: url-status (link)
4. 长湴站C口因水浸紧急关闭 广州地铁官方微博
5. 〈地铁两车站也现水浸〉。《信息时报》。2015-05-06。原著喺2015-05-18歸檔。喺2016-11-26搵到。

上一站·下一站

上一站⇚⇚　　　　廣州地鐵　　　　⇛⇛下一站
天河客運站 潯峰崗站←	長湴站 6號綫	植物園站 →香雪站