配音員

 配音員（粵拼：pui3 jam1 jyun4） 係指為影片配返對白為職業嘅人。喺中國大陸又叫做配音演員，喺香港有暗星^[1]嘅嗌法（同明星相反），而喺日本就嗌做聲優。

對稿配音

配音員嘅工作內容包括埋廣告、電視節目（旁白或外語影視劇轉譯）、人物聲音演出（戲劇、電台廣播劇、電視動畫、電影或電子遊戲）、場所廣播、布偶內建語音同埋遊戲設施嘅旁白等。廣義係指為影片配製聲音嘅人；狹義則單指幫角色配製聲音嘅人；但依家外界所稱呼嘅配音員針對廣義上居多，已經趨向多元化，而非僅限為角色配音。