鄭泳舜

鄭泳舜，MH，JP（英文：Vincent Cheng，1979年7月18號—）^[1]，花名「阿舜」，鄭錦鐘家族成員，係香港民建聯黨員，前深水埗區議會南昌北選區議員（2008至2019年）。

鄭泳舜
姓名原文	鄭泳舜
出生日	1979年7月18號  （45歲）
出生地	香港
國籍	中華人民共和國
母校	屋崙大學
職業	政治人
政黨	民主建港協進聯盟
阿爸	Eric Cheng
[改維基數據]
睇 傾 改

從政生涯

喺2015年香港區議會選舉，佢攞到1,461票，成功當選^[2]。

鄭泳舜曾經多次被列入民建聯喺九龍西參選嘅名單。佢亦有參加2018年3月立法會補選九龍西選區直選，拉票期間有兩個「海麗之友社」義工呼籲選民投票畀鄭泳舜，之後可以向民建聯攞福袋，引嚟賄選疑雲^[3][4][5]。不過佢都以兩千幾票之差贏咗泛民主派代表，係主權移交後頭一位喺立法會補選贏到嘅建制派人士。

2019年香港區議會選舉，鄭泳舜喺南昌北選區尋求冧莊，但建制派整體選情受制於反逃犯條例修訂運動，輸畀公民黨嘅劉家衡，連任失敗；兩年後嘅第7屆香港立法會選舉，鄭泳舜參選九龍西選區，並且攞到64,353票，繼續冧莊立法會議員。

爭議

香港反送中運動期間涉嫌恐嚇

喺爭取民主同捍衛法治嘅香港反送中運動期間，香港警察喺2019年10月20號廢除惡法獨立調查重組警隊大遊行入面用水炮車向無示威者喺入面嘅九龍清真寺兩度發射藍色催淚水劑。過程中被射中嘅印度協會前主席毛漢（Mohan Chugani）向傳媒透露，民建聯立法會議員鄭泳舜曾經警告佢要「小心說話」，毛漢直指呢啲係「風涼說話」。其後鄭泳舜就聲稱只係善意提醒，希望佢嘅言論唔會令香港社會進一步分化^[6][7][8]。

個人榮譽

• 榮譽勳章 (香港)（2016年）^[9]
• 太平紳士（2019年）^[10]

部分公職

• 民建聯第17屆執行委員^[11]

屋企

鄭泳舜阿爸係保良局副主席鄭錦鐘。

鄭泳舜26歲結婚，老婆係無綫電視前藝人胡杏兒嘅大姐胡可兒，佢哋有三個仔囡^[12]。