遺書

  想搵前名《遺書》嘅港產片嘅話，請睇年少日記。

遺書係人臨死前所寫低嘅文字。遺書唔一定係書信嘅形式，可以係一到幾句嘅句子。遺書，唔同遺囑，係冇法律效力嘅。

遺書可以係準備自殺嘅人寫嘅，內容一般會係尋死嘅原因，多謝親人，照顧阿邊個邊個嘅心願等等。亦可以係身患重病、彌留之際嘅人嘅書信，內容一般會係一啲未完成嘅心願、教悔嘅話、遺物響邊點處理、照顧阿邊個邊個嘅心願等等。