西方世界

  提示：呢篇文講嘅唔係西方極樂世界。

  「泰西」跳轉到呢度。想搵泰國嘅西部，請睇「泰國西部」。

西方世界，又叫西洋、泰西，係指發源自歐亞大陸西部嘅歐洲嘅文化圈，而家多數指歐洲同美洲各國。

巴特農神殿係西方世界其中一個象徵

西方嘅概念根源喺希臘文明、古羅馬同埋後來嘅基督教文化，經過文藝復興、宗教改革、啟蒙時代同埋通過帝國主義、殖民主義、科學革命、工業革命擴張，形成當今嘅西方世界。

冷戰時期，西方嘅觀點確立喺深受自由主義思想嘅影響，反對共產主義嘅資本主義國家，形成反共主義陣營，同東歐社會主義國家打對台。