蝴蝶山

蝴蝶山（英文寫Wu Tip Shan），係香港一山，喺新界粉嶺。山大約有240米高，頂上有亭，東便同南便山腳有蝴蝶山村，東北山腳有蓬瀛仙館。山有徑上山頭箕勒仔，為晨運客常經之路。山上有詠春宗師葉問之墓。

山北有蝴蝶山路，不過馬路唔上山，只喺山腳。上山有幾條徑，其一條叫蝴蝶山行山徑，喺蓬瀛仙館側邊，田心休憩處停車場嗰邊上，近百和路。另一條蝴蝶山路近寶生園養蜂場上。上到山頂可以繼續通去北大刀屻。

蝴蝶山腳有好幾間學校，北便有中華基督教會基新中學，蝴蝶山路頭，西南便有粉嶺救恩書院、聖芳濟各書院、佛教普光學校。另有一間老人院，恩怡護老之家，喺東北方。而警察機動部隊總部，亦設喺蝴蝶山西側山腳。

南便山腳處，有蝴蝶山休憩處。