蒸

蒸係一種煮食方法。指將經過調味後嘅食品原料放入器皿度，再放入注水嘅蒸具好似蒸籠或鑊，利用熱力將水加熱成蒸汽繼而以蒸汽加熱嘢食令佢成熟嘅過程。中國菜以蒸來烹調嘅食品有：包括肉類，魚類同蛋類為主，蒸豆腐亦成日見到，根據食品原料嘅唔同，可分為猛火蒸，中火蒸同慢火蒸三種。相對於西方通常蒸蔬菜類而好少會蒸肉類菜色。

蒸魚

蒸水蛋

蒸煮嘅優點

• 蒸嘅第一優點係喺形成蒸汽嘅水分完全蒸發前可以一直維持食物唔會煮過頭。並且關注飲食健康嘅人士一般都選擇蒸煮多過其他需要大量食油嘅煮法。根據美國農業部喺2007年所做嘅研究中顯示，以煮蔬菜為例，蒸煮導致葉酸（維他命B）嘅流失率大概15%、燙滾（白灼）就流失35%；維他命C喺蒸煮係流失15%、白灼就係25%，其他嘅養分喺兩種烹調法下都有類似嘅流失率^[1]。
• 蒸可以令容易破碎嘅食物保持完整嘅形狀，例如蒸魚，蒸雞蛋羹。

參考

1. 〈美國農業部養分保持係數發表書6〉 (PDF)。原著 (PDF)喺2008年10月7號歸檔。喺2012年9月22號搵到。