萬木草堂

23°7′40.81″N 113°15′59.38″E

邱氏書室 崇經堂
主祀	一世祖（烋） 二世祖（成實） 三世祖（君興） 四世祖（淑敏） 五世祖（必仁） 五世祖（必達） 六世祖（惟長） 六世祖（惟福） 六世祖（惟祿）
家族信息
家族	粵東丘（邱）氏合族
起源	河南郡
修建史
始建	1804年
重修	2008年
方位
地址	廣州市越秀區長興里3號
朝向	坐西向東
現時尚存 經已掛牌
登錄名	萬木草堂
等級	廣東省文物保護單位
分類	革命遺址及革命紀念建築物
籌	7-83
登錄時間	2012年

萬木草堂（粵拼：maan6 muk6 cou2 tong4）係中國廣東省廣州市一間合族祠，亦叫長興學舍（coeng4 hing1 hok6 se5），原稱邱氏書室（jau1 si6 syu1 sat1），係三間三進、兩天井、硬山頂嘅青磚祠堂式建築。喺越秀區中山四路長興里3號。

史

内文：康有爲

其實呢間嘢之前唔係嗌萬木草堂，係嗌「邱氏書室」。喺1891年，有位嗌「康有爲」嘅子弟按返陳千秋同梁啟超呢班人嘅意思，喺廣州嘅長興里嗰度租咗間邱氏書室嚟辦長興學舍，佢哋辦呢間學舍係為咗宣傳維新思想嚟培養啲變法人才同埋搞教學同著作。喺1892年就搬咗去衛邊街嘅鄺氏宗祠；1893年嘅冬天，又搬咗去廣府學宮嘅仰高祠嗰邊，嗰時重改埋名嗌「萬木草堂」。而「萬木草堂」嘅名就係「用樹木嚟形容啲樹人，包括咗培養好多個棟樑。」噉解。呢間草堂唔單止喺辦緊學嗰陣培養咗好多個猛人出嚟，甚至搞掂咗兩本比較出名嘅變法理論書，而確立咗以「托古改制」為核心嘅變法主張而推動咗維新運動。不過呢間嘢唔好彩喺1898年10月份，清政府因為戊戌變法肥佬而封咗呢間草堂。喺1983年8月，廣州市政府公佈咗呢度係廣州市文物保護單位。2012年10月20號俾廣東省人民政府公佈咗係廣東省文物保護單位。

出過嘅猛人

• 梁啟超
• 麥孟華
• 徐勤
• 梁朝傑
• 韓文舉
• 龍澤厚
• 王覺任
• 陳千秋

出過嘅理論著作

• 《新學偽經考》
• 《孔子改制考》

相關詩詞

「	南洲講學開新派，萬木森森一草堂。 誰識書生能報國，晚清人物數康梁。	」
——張元濟