茜拉

茜拉（粵拼：sai1 laai1；英文：Shila Amzah；爪夷文：نورشهيلا بنت أمير عامزه‎；1990年8月13號—）係馬來西亞女歌手，Shilala (HK) Limited簽約藝人。阿爸係馬來西亞歌星ND Lala^[8]。經紀人王炳智係前馬來西亞音樂協會總秘書長。喺2007年，佢參加《One in a Million（英文：One in a Million (Malaysian TV series)）》第二季嘅節目，攞咗亞軍。第二年，佢贏咗《亞洲新人歌手大賽（英文：Asia New Singer Competition）》冠軍。佢都拍過洛克王國魔法學院之神秘樂章嘅電視劇。

茜拉
女歌手
英文名	Shila Amzah
國籍	馬來西亞
出世	(1990-08-13) 1990年8月13號（34歲） 馬來西亞吉隆坡
職業	歌手、詞曲作家、演員
語言	馬來語、英語、華語（略懂）、粵語（略懂）、韓語
宗教信仰	伊斯蘭教
音樂類	流行、節奏布魯斯、流行搖滾、舞蹈流行音樂
出道日期	2000年
出道作品	《Terima Kasih Guru》
活躍年代	2000年－
唱片公司	EMI[1] Monkey Bone[2] Shanghai[3] Shila Amzah[4] Warner[5] Shilala[6] GME[7]

2012年喺東方衛視《聲動亞洲》嘅亞洲區總決賽入面，佢憑住獨特嘅個人魅力同大氣穩定嘅發揮，捧起標誌住最高榮譽嘅至尊之星獎杯。

簡歷

茜拉承認喺當初進入演藝圈時對攝影機產生恐懼同抗拒，令佢喺成為演員路上遇到挫折。

佢阿爸係Amir Amzah（藝名ND Lala），係1980年代馬來西亞嘅熱門歌手，有「馬來西亞張學友」嘅稱號。喺屋企兄弟姊妹中排行最大，有2個細佬同一個妹^[9]。同馬來西亞演員巴希爾曾經短暫交往1年。

佢8歲開始練歌，但嗰時啲唱片公司唔想承受將細路捧成明星嘅任何風險。所以，佢阿爸出錢幫佢出咗一張唱片。呢張唱片令有啲唱片公司老闆大開眼界，願意畀佢機會。最終，佢同百代唱片簽訂合約，做咗歌手。截至2014年，佢嘅歌多數係馬來語，剩係得一首國語單曲，曾經係YouTube網絡歌手。

2014年2月，加盟湖南衛視《我是歌手》第二季、為第三位補位歌手，之後喺突圍賽演唱《Rolling In The Deep》以第一名突圍成功，喺4月4號總決賽未能晉級為「終極歌王候選人」。3月8號，佢同偶像王力宏透露經常坐馬來西亞航空370號班機。喺事故發生後，佢以素描方式聲援同祝福航班失蹤人員。4月26號，佢喺《快樂大本營》補唱《青藏高原》，因為喺突圍賽臨時改歌，冇演唱到。

2015年4月，佢嘅普通話能力已可以應付媒體訪問。佢透露會喺年底喺香港開演唱會，進入香港樂壇，但因為曲風相似，所以唔會邀請鄧紫棋同台表演^[10]。10月30號，佢喺香港灣仔會議展覽中心舉行《茜拉真·炫色演唱會》，係佢首次喺香港舉行演唱會。

專輯

依序	年份	專輯名	類型	發行公司
1	2000年	《Terima Kasih Guru》	個人專輯	ACE
2	2005年	《Sha-hila》	個人專輯	EMI
3	2009年	《Bebaskan》	個人專輯	Monkey Bone Records
4	2011年	《3 Suara》（同Ning Baizura、積蓮·維多）	個人專輯	索尼音樂娛樂
5	2013年	《Shila Amzah》	個人專輯	Shila Amzah Entertainment Berhad
6	2016年	《心旅》	個人專輯	喜拿拿(香港)有限公司

《我是歌手》第二季

2014年2月，加盟湖南衛視《我是歌手》第二季、為第三位補位歌手，之後喺突圍賽演唱《Rolling in the Deep》以第一名突圍成功，喺4月4號總決賽未能晉級為「終極歌王候選人」。

我是歌手第二季 茜拉競演排名
期數	輪數	播出日期	演唱歌曲	原唱	歌曲介紹	排名	得票率	出場序	備註
全碟編曲：梁翹柏
7	第四輪排位賽	2月21號	《想你的夜》	關　喆	詞／曲：關　喆	2	19.98%	8	獲得298票
			《Bogoshipda》	金範洙	詞：尹思羅 曲：尹義桑
8	第四輪淘汰賽	2月28號	《最長的電影》	周杰倫	詞／曲：周杰倫	4	14.41%	4	兩場總成績第3名 個人最低得票率
9	第五輪排位賽	3月7號	《Listen》	Beyoncé	詞／曲：Henry Krieger、Scott Cutler、Anne Preven、Beyoncé	3	15.08%	5	—
10	第五輪淘汰賽	3月14號	《Forever Love》	王力宏	詞：王力宏、十　方、何啟弘、于景雯 曲：王力宏	3	16.33%	5	兩場總成績第3名
11	突圍賽	3月21號	《Rolling in the Deep》	Adele	詞／曲：Adele、Paul Epworth	1	30.35%	7	突圍成功 獲得448票 個人最高排名同得票率
12	半決賽	3月28號	《洋蔥》	楊宗緯	詞／曲：阿　信	6	不詳	1	個人最低排名
13	總決賽第一輪	4月4號	《When You Believe》	Whitney Houston、Mariah Carey	詞／曲：Stephen Schwartz	3	不詳	6	幫唱嘉賓：黃綺珊 晉級第二輪
	總決賽第二輪		《MAMA》	EXO	詞：王雅君 曲：劉英振	前五強		3	—
14	雙年巔峰會	4月11號	《唯一》	王力宏	詞／曲：王力宏	—		5	—