From Wikipedia, the free encyclopedia
唔同類嘅事物嘅形態規律可以用唔同領域嘅定律解釋：自然形態規律（包括埋岩石呢啲冇生命嘅嘢）冚唪唥都會跟從數學、物理學同化學上嘅定律；而生物嘅形態規律（例如正話提到嘅生物左右對稱現象）就會跟從物競天擇同性選擇等生物學上嘅基礎定律。科學家可以用電腦模擬嚟解釋呢啲現象－佢哋會將啲定律寫做電腦程式，然後再行呢啲程式，發現個程式會產生出觀察到嘅形態規律，噉就表明嗰啲形態規律可以由相對簡單嘅數學模型解釋到[2][3]。
好多生物嘅外觀都有對稱。動物好多時都有左右嘅鏡像對稱，植物嘅葉同埋一啲花都有鏡像對稱，不過大部份嘅花都係有旋轉對稱嘅。少數動物，例如棘皮動物門下邊嘅海星、海膽、海百合就有五重旋轉對稱。
死物之中，雪花有六重旋轉對稱，俗語話「唔會有兩片一樣嘅雪花」，雪花嘅結構記錄咗佢形成嗰陣嘅外部環境狀況，佢六個方向會形成幾乎一樣嘅結構。晶體可以有好多唔同種類嘅對稱同埋晶體慣態，例如係正方體或者係正八面體，真嘅晶體一定唔會係五重旋轉對稱，不過準晶體就可以。唔同尺度下嘅死物都可以展現旋轉對稱，細嘅，一滴水滴落池塘，濺起嘅水花、漣漪有旋轉對稱；大嘅，行星、行星環嘅形狀都有旋轉對稱。
生物嘅對稱對應住佢唔同嘅特性，旋轉對稱通常對應一啲唔識郁嘅生物，佢嘅食物同威脅都有機會由任何一個方向接近。識得郁嘅生物，喺進化過程入邊，口、感官器官（眼、耳、鼻等）、神經會集中埋一齊，稱之謂頭顱化（cephalisation），頭嘅方向亦都係呢種動物主要郁嘅方向，稱之謂前面，所以呢啲動物識分前後左右，對應住左右對稱嘅器官（但係內臟未必對稱）。棘皮動物門嗰啲五重旋轉對稱比較難解釋，早期嘅棘皮動物係左右對稱嘅，而依家佢哋嘅幼體都仲係。Sumrall同Wray認為呢種對稱嘅轉變同時有發展上同生態上嘅原因。
早喺古希臘嘅時代經已有人喺度思考自然形態規律：柏拉圖（Plato）等嘅多位哲學家都有嘗試解釋自然界當中嘅規律，創始咗一啲就連現代人都仲會用到嘅概念[4]；現代人對自然形態規律嘅研究就始於 19 世紀，當時科學上出現咗重大發展，例如德國生物學家海克爾（Ernst Haeckel）研究海洋生物，發現佢研究嘅海洋生物喺形態上都係傾向左右對稱嘅[5]，而打後喺廿世紀，英國數學家亞倫圖靈（Alan Turing）等嘅研究者又發現，好多自然事物嘅形狀可以用數學模型模擬，確立咗自然形態規律嘅諗頭－大自然入面有好多事物响生或者郁嗰陣都係跟從一啲定律嘅，會形成某啲特定嘅形態[6]。
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
_cropped.jpg)
