自助餐

自助餐（Buffet，法文發音：/byfe/，英式英文發音：/ˈbʊfeɪ/，美式英文發音：/bəˈfeɪ/），又叫步飛或者普飛（pou3 fei1），係食嘢嘅一種形式，食客要食乜嘢要自己去拎。郊外旅行野餐幾個朋友，通常都係用自助餐方式分享嘢食。自助餐喺餐廳一個價錢，分段限時任食，攞咗食唔晒可能要罰錢，冇得打包返屋企。

國際自助餐

任點任叫嘢食就叫做「放題」

形式

一般嘅自助餐多數都係西餐類嘅主菜，另外會有沙律、麵包、湯同甜品等配菜。喺高級嘅自助餐，餐廳會安排廚師喺客人面前燒烤肉類，即燒即食。近年，自助餐嘅形式已唔局限於西式嘢食，基本上各地嘅嘢食都可以做自助餐嘅菜色，亦越來越普遍。

由於自助餐唔係根據食量計錢，所以有啲人就發明咗食自助餐嘅一啲特殊技巧，達到用最少嘅錢，食到最多嘢食嘅目的。不過咁樣嘅食法有機會引致消化不良，損害身體健康等。

半自助餐

半自助餐係指淨係提供頭盤、湯同甜品任食，主菜淨係可以揀一款。

放題

内文：食嘢放題

唔同時段唔同價錢，限定時間內，菜單任點任叫嘢食，轉頭由伙記拎嚟。

睇埋

• 體重管理

文獻

• Wansink, B., & Hanks, A. S. (2013). Slim by design: serving healthy foods first in buffet lines improves overall meal selection. PloS one, 8(10), e77055.