羊奶

羊奶，係家羊嘅奶汁。喺現代文化中，相較於直接飲用，羊奶更常被用於製造乳製品。好多著名嘅芝士就係以羊奶製成，好似希臘嘅菲達芝士、法國嘅羅克福芝士、西班牙嘅曼徹格芝士同埋意大利嘅佩克里諾芝士同里考塔等。佢亦可以製成乳酪，尤其係希臘乳酪。雖然羊隻嘅產乳量比唔上乳牛，羊奶含有更豐富嘅脂質、非脂肪乳固形物同礦物質，因此較適合做為乳酪嘅原料。然而，羊奶並唔能夠被當作乳糖不耐症患者嘅牛奶替代品；佢嘅乳糖含量甚至高過牛奶。

現今只有少數嘅綿羊品種係純為產乳而豢養，但佢哋都已成為羊奶生產嘅選擇育種，所以能較一般家羊產出更多嘅奶汁。最普遍同乳源豐富嘅產乳羊種包括拉卡恩綿羊、東弗里生綿羊同阿瓦西綿羊。