紅冠水雞

紅冠水雞（學名：Gallinula chloropus），又叫黑水雞，係秧雞科黑水雞屬下一種雀，主要出現喺舊大陸地區。

紅冠水雞

雌雄一樣樣，頭、頸同上背部分係灰黑色，下背、腰至尾上覆羽及兩翼覆羽係暗橄欖褐色；飛羽和尾羽係黑褐色。特徵係嘴係紅色、嘴嘅尖端黃色、體側有白橫斑，臀兩側有白斑。

繁殖期大概喺3-7月，雌雄水雞會一齊築巢同養育雛鳥，每次會生5-8粒蛋。

雛鳥為早熟性，全身都係毛茸茸嘅黑色毛，嘴嘅顏色同成鳥一樣。雛鳥出生無耐就識行，會跟住雌鳥身邊學搵食食。