米市路 (廣州)

米市路（粵拼：mai5 si5 lou6）係中國廣東省廣州市入面嘅其中一條一般嘅馬路，呢條馬路喺越秀區入面，成條馬路係南北走向。南邊從惠福西路開始，一直向北去到光塔路同埋朝天路嘅交界嗰頭。

米市路 MISHI ROAD

性質： 一般馬路 全長： 0.187公里 行車線： 雙向2車道 地區： 廣州市越秀區 起點： 惠福西路 終點： 光塔路同埋朝天路嘅交界

  呢篇文講廣州市嘅米市路。想搵清遠市入面嘅米市路嘅話，請睇米市路 (清遠)。

概要

全長187米，闊10米，雙向2車道。

經過嘅道路

呢度啲路嘅順序係從西去到東嚟排嘅，其中加粗咗嘅字係主幹道：

• 惠福西路
• 光塔路、朝天路

史

其實呢條路喺好耐以前唔係嗌「米市路」，而係嗌「米市街」呢隻名。其實以前呢度係喺任何一個朝代入面，都係個米市墟嚟嘅，所以「米市街」嘅名就係噉嚟。根據《永樂大典》呢本嘢畫住嘅廣州府南海縣嘅地圖入面話咗，喺明朝初期，南海同埋番禺嘅交界就係響新店街、米市街、朝天街同埋北道嘅就日門（啫係話朝天門）呢尐，啫係話明朝或者係之前，朝天路呢度都係南海縣同埋番禺縣嘅交界。不過到咗民國23年（1934年），廣州市政府就將條米市街整闊咗，變咗係米市路。到咗文化大革命嗰陣就改咗名叫「朝陽南路」，後嚟到咗1983年就改返原嚟嘅名。啫係依家叫「米市路」。

特色

喺好耐之前一直到20世紀嘅90年代初，呢度係廣州市區入面，其中一笪重要嘅街市，入面專門賣啲菜肉同埋電子產品嘅嘢。後嚟到咗1994年12月31號，廣州市為咗還返條路畀民眾，結果就將條街市取消咗。依家嘅街市方面，菜肉市場已經搬嗮去甜水巷呢尐，而電子產品批發市場就搬咗去陶街入面。依家成條路已經轉咗行，係專門賣電子元件批發嘅嘢。