第3屆阿富汗總統選舉響2014年4月5號同6月14號舉行[1]。
.jpg)
.jpg)
呢次選舉有一千二百萬名選民，為咗確保選舉公正、防止舞弊，獨立選委會響外國買咗有條碼嘅選票，同時響意大利訂咗一批一個禮拜都洗唔甩嘅油墨，以便響選民隻手到做記號，防止有人重複投票[1]。
根據憲法，已連任兩屆嘅時任總統卡爾扎伊唔得參加，所以呢次係阿富汗響2001年推翻塔利班政權之後，首次以民主方式移交政權，加上以美軍為首嘅國際安全部隊即將撤離，選舉將會影響阿富汗內政、外交發展，備受國際高度關注[1]。
選委會又話，全國七千幾個票站，有近一成因暴力威脅開唔到，唔少都係塔利班最活躍嘅東部選區。而塔利班又響選舉之前講過會以暴力抵制選舉，票站同選民都係襲擊嘅目標。佢哋自3月以嚟已經發動多宗襲擊，當局派出超過三十五萬士兵同警察維持治安[1]。
輿論預測，阿卜杜拉阿卜杜拉有三成支持率，領先其他對手[1]。
6月舉行嘅第二輪投票，有份參選嘅阿卜杜拉阿卜杜拉話選舉舞弊，拒絕承認結果。最後，經美國斡旋，加尼同阿卜杜拉阿卜杜拉達成分享權力協議，同意由加尼出任總統，阿卜杜拉阿卜杜拉出任政府長官[2]。
9月29號，宣誓儀式響首都喀布爾嘅總統府舉行，多國代表同卸任嘅卡爾扎伊亦有出席。加尼同兩個副總統同做政府長官嘅阿卜杜拉阿卜杜拉一齊宣誓[2]。
選前
預計冇單一候選人可以攞到過半數選票，選舉好大機會要進入第二輪投票，由攞到最多票數嘅兩位候選人再決高下[1]。
外界擔心，可能要到10月先能夠選出新總統。如果再有咩差池，可能會影響同美國簽署雙邊安全協議。有關協議關乎北約部隊今年撤軍之後，美國駐兵人數同權利，卡爾扎伊因為同美國翻面，一直拒絕簽呢份協議。所有總統候選人承諾，一旦贏出，會同美國簽署協議，確保2015年重有成萬美軍駐守，幫手穩定局勢[1]。
選後
預料加尼上任之後，治安仍然係一個難題，響就職禮期間，總統府同機場之間嘅一段主要道路，先後發生兩次路邊炸彈爆炸，導致十幾人死傷[2]。
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
