第五氏

第五係中國人一個罕有嘅姓。跟序數嘅姓氏有八個，由「第一」到「第八」，而家其他嘅冇晒，剩番第五 ^[1]。

邊處有

喺中國大陸咸陽市涇陽縣有條細村莊，九成以上村民有都姓「第五」^[2]，大約 500 幾人。台灣重有七個人姓「第五」^[3]。

起源

有三個講法：

1. 本來係姓田。漢高祖劉邦定天下之後，下令前六國嘅人搬去第度定居，其中姓田嘅人多，唔易搬，劉邦以序數由第一排到第八，第一先搬，第八最後，呢個就係「第五」氏嘅由來 ^[1]。
2. 佢哋係刺殺秦始皇嗰個荊軻嘅後代 ^[2]。
3. 秦始皇統治期間，有五個刺客一齊去刺殺秦始皇，任務失敗之後逃難，為咗逃避追殺，五個人依年、輩份分改姓；由「第一」到「第五」^[3]。

注

1. 《晨早新聞天地》《放眼世界》，2007年09月19號。
2. 村民姓"第五" 自稱先祖是隨荊軻刺秦勇士
3. 〈台灣姓氏1989個〉。原著喺2008年5月6號歸檔。喺2007年9月19號搵到。