石門水

石門水又叫小北江，喺中國一條河，亦係珠江上游。廣州城西北15千米處。佢因為喺石門山附近，所以咁叫法。

石門水源於北江分叉出來嘅支流匯合，好似三江水，蘆包水等，另外又加流溪水同黃洞水。水匯合之後洲一分為二，近廣州一邊叫石門水，另一邊叫裏水。兩邊水過沙洲後合返埋。之後一支屈向西入珠江，另一支過珠江南便長洲叫波羅江^[1]。

北江到石門水之間，原本係江面好闊，係北方去省城必經之水路。石門山下嘅水門，係入城最後一度門，即水路關口，係兵家必爭之地。不過去到大明時，沙坭漸塞，石門水就唔再係必經之路。

石門水中間又沙洲，水面叫西華海。

石門返照

睇埋：石門返照

石門水一帶，有舊羊城八景之一，石門返照。係大宋同元朝時名景。每當日出或日落時分，成個霞彩，同江水蒸出來嘅水汽，變成奇景，好似海市蜃樓^[2]。

註

1. 《清史稿》，卷七十二，志四十七，地理十九，廣東
2. 〈舊羊城八景"石門返照"包含西華寺？〉。原著喺2016年3月7號歸檔。喺2008年8月15號搵到。