田波

田波（1931年12月25號—2019年12月15號）係中華人民共和國病毒學家，做過中國科學院院士。

田波
出世	(1931-12-25)1931年12月25號 山東桓台
死	2019年12月15號(2019-12-15)（87歲） 北京
籍貫	山東桓台
母校	北京農業大學
職業	病毒學家
政黨	無黨籍

生平

1931年聖誕日喺山東省桓台縣夏莊出世。高中時代先後讀過南京國立中央大學附屬中學同青島市立高中^[1]。1954年畢業於北京農業大學植物保護系。畢業後被分配到中國科學院微生物研究所病毒學研究室工作。喺林傳光教授嘅指導下從事病毒喺馬鈴薯退化中作用嘅研究^[1]，歷任研究實習員、助理研究員、副研究員。1986年晉升為研究員^[2]。

1981年澳洲阿德萊德大學訪問學者。1986年西德杜塞爾多夫大學客席教授^[3]。1990年美國馬利蘭大學同威斯康星大學客席教授。1993年英國蘇格蘭作物所訪問學者^[4]。中國植物病理學會常務理事，中國植物保護學會理事。1984年至2001年，中國微生物學會病毒學專業委員會第二至五屆副主任委員^[5]。

1991年當選中國科學院院士（學部委員）^[6]。2001年兼任武漢大學生命科學學院及病毒學國家重點實驗室教授。2003年非典疫情爆發後，致力於對SARS冠狀病毒致病機制嘅研究^[7]。

到2019年12月15號，田波因病醫治無效喺北京逝世，享年87歲^[8]。

科學貢獻

1954至1979年研究咗病毒同高溫對馬鈴薯花葉型退化嘅作用，發現病毒感染後喺低溫條件之下馬鈴薯產生耐病性而唔發生退化。從而提出無病毒種薯生產方案。

1980年代開展亞病毒研究：1983年喺國際上首次報道咗應用衛星RNA防治黃瓜花葉病毒，並獲得成功。佢重發現咗一種新型類病毒——牛旁矮化類病毒，獲得國際承認^[9]。1987年，領導科研團隊成功將人工合成嘅抗黃瓜花葉病毒基因轉入西紅柿細胞核染色體中，首次得到具有抗病性嘅西紅柿新株系^[10]。

1989年涉足醫學病毒，研究咗SARS同愛滋等病毒融合蛋白嘅7肽重複序列與細胞融合嘅分子機制，設計咗一種三螺旋蛋白高抗愛滋病毒^[11]。

2003年開始研究SARS冠狀病毒融合機制，研製出咗抗擊該病毒侵入細胞嘅多肽藥物^[12]。

榮譽

主持嘅科研項目曾五次獲得中國科學院自然科學同科技進步獎，兩次獲得國家自然科學與科技進步獎，三次獲得省部級獎項^[13]。1988年獲國家有突出貢獻嘅中青年專家稱號。1997年獲得首批華夏英才基金資助^[14]。1999年何梁何利科學與技術進步獎。2016年獲得中國植物病理學會終身成就獎^[15]。

參考

1. 〈病毒学家田波院士：锐志精研济苍生〉。中国科学报。2015年10月23號。原著喺2019年12月16號歸檔。喺2019年12月21號搵到。
2. 《历届全国政协委员人名辞典》。中國國際廣播出版社。1996年。頁 104。ISBN 9787507813746。
3. 《《中国科学院博士生导师简介》》。中國科學技術大學出版社。1989年。頁 137。
4. 〈田波〉。中國科學院。2003年6月18號。
5. 〈病毒学专业委员会〉。中国微生物学会。2016年11月1號。原著喺2020年3月28號歸檔。喺2019年12月21號搵到。
6. 中国科学院学部与院士·院士信息·生命科学和医学学部·田波 互聯網檔案館嘅歸檔，歸檔日期2013年12月16號，.
7. 〈武大科研人员发现SARS冠状病毒致命点〉。人民網。2009年2月17號。原著喺2019年12月16號歸檔。喺2019年12月21號搵到。
8. 光明日報 (2019年12月15號)。〈病毒学家、中科院院士田波逝世，享年88岁〉 (簡體中文)。澎湃新聞。喺2019年12月21號搵到。
9. 〈中国科学院新增选学部委员简介〉。《人民日報》。1992年5月16號。頁 3。
10. 〈为蔬菜防病增产开辟新途径 我首次获得抗病毒西红柿新植株〉。《人民日報》。1989年12月5號。頁 1。
11. 〈田波〉。中國農業大學校友會。2016年4月25號。原著喺2019年12月16號歸檔。喺2019年12月21號搵到。
12. 〈武大和中科院微生物研究所合作研制出抗SARS药物〉。人民網。2003年12月8號。原著喺2019年12月16號歸檔。喺2019年12月21號搵到。
13. 〈教师简介〉。武漢大學生命科學學院。2016年12月26號。原著喺2019年12月16號歸檔。喺2019年12月21號搵到。
14. 〈出版学术著作 推动科技发展 十位院士获华夏英才基金资助〉。《人民日報》。1997年5月24號。頁 4。
15. 〈微生物所三位院士荣获中国植物病理学会终身成就奖〉。中國科學院微生物研究所。2016年8月18號。原著喺2019年12月16號歸檔。喺2019年12月21號搵到。

連出去

• 田波 - 中國科學院大學
• 田波 - 中國科學院病原微生物與免疫學重點實驗室