環境敘事

環境敘事waan4 ging2 zeoi6 si6（英文：environmental storytelling）係指作故仔嘅人考妙噉喺一個環境入面設低一啲物件，用呢啲物件嚟表達一個故仔俾讀者觀眾知。呢種做法喺電子遊戲入面零舍常見，因為電子遊戲本質上就實係會俾玩家控制住角色喺個虛擬世界入面活動^[1]。

舉個例說明，想像有隻開放世界遊戲：隻遊戲呈現一個虛構世界，個故仔嘅世界曾經打過一場大仗（背景故仔）；同隻遊戲作故仔嘅人選擇唔明文噉講呢樣嘢俾玩家知，不過佢哋喺遊戲嘅虛擬世界入面設低各種打過仗會留低嘅物件－例如係佈滿屍體嘅戰場（環境入面嘅物件）同埋俾大炮打到城牆出咗一個個大窿嘅城堡（都係環境入面嘅物件）... 呀噉；噉樣玩家唔使睇啲咩文字，齋靠睇到環境嘅嘢，就意識到隻遊戲嘅背景故仔－達致「用環境嚟表達故仔」噉嘅效果。