烏蛟騰

烏蛟騰（英文Wu Kau Tang），舊陣時叫烏蛟田、烏龜田，香港一地，亦係一村，位處新界東北，行政歸北區，船灣郊野公園隔離。附近九担租、新娘潭等地方。

烏蛟騰唔入郊野公園範圍，之不過，但佢有低地叢林，香港原生物種集中地，樹一百六十四種、蜻蜓過三十種，蝴蝶過五十種，大型無脊椎動物，都有唔少品種。一九九八年，行政長官董建華話要發展中藥港計劃，烏蛟騰做過選址，不過亦無成事。

新界東北行山路線，好多條都由烏蛟騰出發。皆因烏蛟騰有小巴出入，附近一帶偏遠地方，日常並無公共交通，甚至無車路可達。由此行山去荔枝窩、印洲塘、紅石門、吊燈籠等。

烏蛟騰內車路叫烏蛟騰路，可出新娘潭路，北行到鹿頸南涌，南行到大尾𡰪。