決策論

決策論（英文：decision theory）係研究決策嘅理論，包括博弈論等。

基本定義

一盤國際象棋嘅棋局；隻白色騎士行咗藍色箭咀表示嗰步，去到嗰個位，紅色箭咀表示佢下一步可以攻擊黑色嘅城堡或者國王。

睇埋：決策

有關「決策」呢隻詞要點定義，可以睇吓不列顛百科全書。2022 年嘅不列顛百科全書係噉描述 decision making（決策）呢隻英文詞嘅^[1]：

「

原版英文："Decision making, process and logic through which individuals arrive at a decision." 粵文翻譯：決策，（係）個體用嚟達致一個決定嘅過程同邏輯。

」

想像一個人腦^{[註 1]}係一嚿曉做運算嘅物體，識得攞某啲資訊做 input，處理吓啲 input 之後，就會畀出一啲新嘅資訊做 output ^{[註 2]}。有咗噉嘅諗頭，決策嘅過程就可以想像成^[2]：

• Input：攞若干個可能選擇採取嘅行動；
• Output：決定要揀邊個行動嚟採取；

舉個簡單例子：想像家陣有個人喺度捉國際象棋^[3]－

• Input：佢有若干個「可以行嘅棋步」；
• Output：決定要行邊一步（然後佢個腦就會傳訊號去佢身體啲肌肉度，令佢隻手做出「攞起隻棋，將隻棋移去要去嗰個位」嘅動作）；

又或者諗個商業例子，想像有間企業嘅 CEO ^[4]－

• Input：佢啲員工交咗幾份計劃書畀佢，每份都係提議緊間企業跟住落嚟要採取乜策略；
• Output：決定要採取邊套計劃（然後佢個腦就會傳訊號佢身體啲肌肉，令佢做出「打電話畀寫嗰份計劃書嘅人，話採用佢套計劃」嘅動作）；

... 呀噉。

睇埋

• 概率論
• 統計學

註釋

1. 或者一個有返咁上下聰明嘅 AI。
2. 事實係，廿一世紀初認知科學都係傾向將人腦嘅資訊處理想像成「由 input 去 output」噉嘅過程。