雲浮

雲浮喺中國廣東西面，家下係地級市，叫雲浮市。大唐有雲浮郡，大明設東安縣，1914年改名雲浮縣。佢西面係廣西，山多，靠住西江，東便出山係珠江三角洲，全市面積7779平方千米，人口247萬。

地理

東安縣時，西南有雲霧山^[1]。

西江自西寧入，東南去到絳水口，大絳水喺西南注入，向東北入高要^[1]。

東南有新興江出新興，東北流，左納客朗水，過腰古汛，入高要合西江^[1]。

史

大唐天寶元年，即742年，設雲浮郡。到大明萬曆五年，即係1577年，置東安縣。

大清東安縣歸羅定直隸州管，有西山巡司^[1]。

民國三年，即1914年，東安縣改名為雲浮縣，隸屬粵海道。民國17年隸屬廣東省西區綏靖公署。民國25年，隸屬廣東省第三行政督察專員公署。

中共打入雲浮，改隸西江專區。1952年歸粵中行政區。1958年雲浮縣同新興縣合併做新雲縣，隸高要專區。1959年4月，新雲縣改稱新興縣，屬江門專區。1961年4月，恢復雲浮縣，歸肇慶專區。1988年1月，屬肇慶市。1992年9月3日，改雲浮縣做縣級市，叫雲浮市，由省直轄，肇慶市代管。1994年4月5日，國務院將雲浮市升格為地級市。

政治

雲浮有一區、一縣級市同三縣。即係雲城區，羅定市同新興縣、鬱南縣、雲安縣三縣。

註

1. 清史稿。志、地理、廣東