朱允炆

朱允炆（1377年12月5號—？）即係明惠帝，或者叫明惠宗，係大明第二位皇帝，開國皇帝明太祖朱元璋個大孫，年號係「建文」。

朱允炆

生平

朱允炆係明太祖太子朱標個仔，朱標喺1392年過身之後，朱元璋立朱允炆做皇太孫。1398年朱元璋過身，朱允炆繼位做皇帝。

朱允炆登基後，一方面修訂或廢除朱元璋時期嘅嚴刑峻法^[1]，另一方面試圖削弱各地藩王嘅勢力。但係當佢想對佢阿叔燕王朱棣削藩時，由於謀士缺乏經驗，畀朱棣先發制人，喺建文元年（1399年）七月響北平起兵作反，發動靖難之變^[2]。朱允炆派出大軍討伐，但係又同軍隊講「毋使朕負殺叔父之名」，搞到中央軍同燕軍作戰嗰陣有所掣肘，加上用人不當（呢方面亦都同明太祖大殺功臣有啲關係，搞到朱允炆唔夠人才用），以致中央軍輸多贏少。建文四年（1402年），燕軍渡過長江，攻入南京，朱允炆喺宮中縱火，之後失蹤^[3]。之後朱棣登基做皇帝，就係明成祖。

諡號

南明嗰陣，弘光帝追諡朱允炆做「嗣天章道誠懿淵功觀文揚武克仁篤孝讓皇帝」，廟號「惠宗」。清高宗乾隆元年，高宗追諡佢做「恭閔惠皇帝」。