曾文水庫
From Wikipedia, the free encyclopedia
23°16′46″N 120°34′1″E Template:Infobox Dam
 |
曾文水庫（曾讀增，粵拼：zang1 man4 seoi2 fu3）係台灣最大嘅水庫同湖泊，壩址喺嘉義縣大埔鄉，集水區喺嘉義縣大埔鄉境內嘅曾文溪上游，水庫管理局就喺臺南市楠西區。佢滿水位面積17.14平方公里，興建目的主要係提供嘉南地區灌溉用水，另具發電、防洪同觀光嘅功能，係個多用途嘅水庫。喺1967年開始建造，1973年完工。
沿革
早期構想
曾文溪流域全長138.47公里，流域面積1,176平方公里，係台灣第四大河川，其年平均流量係16億立方公尺，曾文水庫壩址位置年平均流量10.64億立方公尺，早期設計嘉南大圳嘅日本技師八田與一，利用曾文溪支流官田溪上游興建烏山頭水庫，並喺大埔溪設置水壩，透過隧道取水至烏山頭水庫供應嘉南地區農田灌溉之用，但係佢取水率僅係全部流量嘅百分之二十五（依據曾文水庫建設誌，曾文水庫建庫前，烏山頭水庫原運用水量係3.3億立方公尺），因此如直接喺曾文溪主流大埔溪築壩，並同烏山頭水庫串聯運轉，便可以增加灌溉量，因為呢個嘅原故，喺1939年，八田與一便曾建議喺宜家大壩壩址建築水壩，但因戰事作罷。
規劃施工
戰後有鑑於灌溉水量逐漸唔夠，喺1959年由台灣省水利局著手進行規劃，最後擇定柳藤潭係壩址，採用土石壩設計，1966年7月，成立曾文水庫建設委員會暨工程局，並喺1967年10月31日動工。
經6年施工，至1973年10月31號正式完工。1974年曾文水庫管理局成立，正式接管水庫及工程設施並開始營運，後喺1998年曾文水庫管理局、水利局南部水資源開發工程處同阿公店水庫管理委員會合併成立台灣南區水資源局、1999年改隸為經濟部水利處南區水資源局、2002年再經組織修編係「經濟部水利署南區水資源局」。
債券
1968年8月6號，《臺灣省糧食實物債券條例》制定21條，同年8月19號公布，佢嘅第一條：「行政院為應臺灣省政府興建曾文水庫需要，授權臺灣省政府，依本條例之規定，發行臺灣省糧食實物債券。」1985年11月19號，該法廢止21條，同年11月27號公布。
設計
曾文水庫大壩喺嘉義縣大埔鄉，壩身材料係土石壩，壩高133公尺，係全台灣第三高壩（第一高壩為德基水庫，第二高壩則係石門水庫），壩長400公尺，壩身體積達900萬立方公尺，大壩體積都係全台灣水庫最大嘅。水庫滿水面積為1714公頃（17平方公里），係台灣湖面面積最大嘅水庫。水庫設計容量達7億4,840萬立方公尺，更係全台容量最大嘅水庫。曾文水庫嘅溢洪道有三道，每道嘅高程唔同，面向下游由右至左，最小排洪量分別為每秒250、300、350立方公尺，閘門全開時最大排洪量可達每秒9470立方公尺[1]。
基本資料
- 管理單位：經濟部水利署南區水資源局曾文水庫管理中心
- 集水面積：481平方公里
- 正常滿水位：227公尺
- 最高蓄水位：230公尺
- 最大可能洪水位：232.5公尺
- 最低發電水位：171公尺
- 滿水位面積：1714公頃
- 完工時總蓄水容量70800萬立方公尺
- 總蓄水量：60831.7萬立方公尺
- 計畫有效蓄水量：59550萬立方公尺
- 宜家有效蓄水量：50897萬立方公尺
- 計畫年運用水量：104700萬立方公尺
- 壩高：133公尺
- 壩頂標高：235公尺
- 壩頂長度：400公尺
- 壩頂寬度：10公尺
- 壩體體積：9296100立方公尺
- 溢洪道型式：三階陡槽跳戽消能明渠式
- 溢洪道控制水門型式：弧形閘門3座
- 溢流堰頂標高：211公尺
- 出水工型式：斜塔式
- 出水工控制水門型式：固定輪式
- 排砂道型式：固定輪式
- 排砂道控制水門型式：二座排砂門（闊10公尺高4.3公尺）
- 工程費：新台幣60.38億元
- 其餘附屬設施：二座河道放水道直徑1.95公尺（211公尺放水量為150立方公尺／秒，最大放水量160立方公尺／秒）
- 防洪：調節曾文溪下游洪峰。
- 灌溉：面積66000公頃
- 給水：計畫年供水量自來水120000000立方公尺，工業用水27000000立方公尺，灌溉900000000立方公尺，合計1047000000立方公尺
- 發電：裝機容量50000千瓦。計畫年發電量：184900320千瓦／時
- 防洪：降低曾文溪下游河川由100年頻率洪水降至河道安全輸送流量。
- 觀光：320000人次（1996年水庫運用實績）
交通
- 嘉義縣公車
- 7301嘉義-大埔
- 興南客運
- 綠24
- 綠25
後續工程
莫拉克風災（八八風災）啟動嘅改善工程
近年因受到全球暖化同氣候變遷造影響，造臺灣地區氣候逐漸轉變為降雨時間集中且大量，使多處水庫淤積狀況日漸加劇。尤其喺2009年8月8號，颱風莫拉克侵襲臺灣，造成中南部地區多處災情嘅八八風災。政府開始檢討並啟動各項防淤清淤工程[2]。
曾文水庫永久河道放水道改建防淤設施工程
曾文水庫永久河道放水道（PRO）改建防淤設施工程完工後可增加排洪及排砂能力，平均每年可排砂量達46萬立方米。
呢工程喺2012年2月22號開工，已喺2015年3月完工[3]。
曾文水庫防淤隧道工程
曾文水庫防淤隧道以水力排砂，會比而家機械清淤（陸挖或清淤船）更有效率。預計啟用後，每年平均排砂量可達104萬立方米，增加曾文水庫防洪能力每秒995立方米，大幅提升台南地區供水穩定度，都節省每年約6.93億元嘅清淤成本[4]。
呢個工程喺2013年3月31號開工、2018年1月完工啟用[5]。
曾文水庫越域引水計畫（荖濃溪越域引水）
早喺1995年政府便喺計劃越域引水至曾文水庫，起因係曾文水庫設計容量大，但自設立以來滿水位嘅情形並唔頻繁，因此有呢計畫產生。
曾文水庫越域引水計畫主要喺高雄市桃源區高屏溪上游荖濃溪設置攔河堰，利用引水隧道、旗山溪跨河橋，再經草蘭溪輸水管線到曾文水庫、 全部工程費預計212億元，估計每日供水量約60萬噸[6]。
此工程主要為隧道開挖，大都喺地面下進行，喺每年5至10月豐水期，取荖濃溪同旗山溪水進曾文水庫，取水量佔高屏溪同期流量3.6%。
空難
1990年4月3號，一架T-34教練機喺曾文水庫墜毀，機上飛官同飛行生兩人都殉職（上尉教官蔡意和，空軍官校學生桂海倫）。
相
遊客服務中心曾文之眼
曾文水庫中正樓觀景台
2012年1月30日，自曾庫公路看溢洪道
曾文大壩溢洪道閘門
曾文水庫壩上道路與遠處的大壩紀念碑
攷
出面網頁
Wikiwand - on
Seamless Wikipedia browsing. On steroids.