司馬紹

晉明帝司馬紹（299年—325年），字道畿，係東晉第二代皇帝，晉元帝個仔，得一個年號太寧（323年三月-326年正月）。廟號係肅宗。

司馬紹喺322年司馬睿死咗之後繼位。佢好擅長書法，又曾經微服出巡，喺平定王敦之亂時，親自查探王敦大營，並且喺324年徹底解決咗王敦引起嘅王敦之亂。平定咗之後佢又唔追究王敦班人馬，全力重用王敦嘅堂兄王導，致力處理好返同世家大族嘅關係。

太寧三年閏八月戊子（325年10月18日）司馬紹病逝，死嗰陣得廿七歲。