日本鐵道

JR集團（日文：JRグループ），或者叫日本鐵道（粵拼：jat6 bun2 tit3 dou6；日文：日本鉄道にほんてつどう^{(Nihon Tetsudō)}），係日本國有鐵道屬下嘅民營企業，包括咗北海道旅客鐵道，東日本旅客鐵道，東海旅客鐵道，西日本旅客鐵道，四國旅客鐵道，九州旅客鐵道同日本貨物鐵道。另外，上面提及到嘅公司重有個別縮寫，例如「JR東日本」等等。個名出喺Japan Railways。

JR集團通用嘅嘜頭

六間JR客運公司嘅管轄範圍

1987年4月1號，JR從日本國有鐵路（國鐵，JNR）根據地域同唔同嘅範疇繼承有關嘅業務，成為12個法人團體嘅總體。由於國營鐵路嘅英文減筆係JNR（英文：Japanese National Railways），所以有好多講法係刪咗代表國有嘅N字而變成今日嘅「JR」。實際上嗰時有諗過將個名改成NR（N係「日本」喺平假名［にほん］嘅羅馬字第一字）。

JR集團

整體嚟講，要強調呢間公司，好少齋叫JR，而叫JR集團（日文：JRグループ）。但呢個集團有自己獨立嘅公司，除咗鐵道總研（JR總研）同JR系統（JRシステム）之外冇同公司之間有相互持股嘅關係，又或一間控股公司代表成個集團統轄集團內冚唪唥公司嘅情況。由於似呢種分散式嘅集團架構喺營運政策同經營策略上，每間公司有好強嘅獨立性，但透過可以互相乘搭人哋嘅列車同車票制度嘅共通化等措施，起到大地區範圍嘅協調合作機制。

喺JR集團內，有6間旅客業務公司，1間貨運業務公司，亦有負責鐵路嘅研究機構（公益）及電腦系統嘅公司，同根據有關旅客鐵道股份公司及日本貨物鐵道股份公司法律（JR公司法）而成立嘅公司唔同，兩者同時喺同一個集團存在。喺當中，負責旅客業務嘅公司亦喺旗下擁有各自嘅JR巴士及JR酒店集團等公司。

業務範圍

業務範圍	組織名	組織類別	通稱	代表色	總部所在地	主要營運範圍
旅客鐵道	北海道旅客鐵道	株式會社 （股份有限公司）	JR北海道	萌黄	北海道札幌市	北海道
	東日本旅客鐵道		JR東日本	緑	東京都澀谷區	東北・關東・甲信越
	東海旅客鐵道		JR東海	橙	愛知縣名古屋市	東海
	西日本旅客鐵道		JR西日本	青	大阪府大阪市	北陸・近畿・中國
	四國旅客鐵道		JR四國	水色	香川縣高松市	四國
	九州旅客鐵道		JR九州	赤	福岡縣福岡市	九州
貨物鐵道	日本貨物鐵道		JR貨物	コンテナブルー[1]	東京都澀谷區	日本全域
研究機關	鐵道總合技術研究所	公益財團法人	鐵道總研 JR總研	薄紫	東京都國分寺市
情報處理	鐵道情報系統	株式會社	JR系統	エンジ	東京都澀谷區

參攷

1. 日本國鐵時代呢個色叫藍色廿二號，而呢個名都成為別稱。