From Wikipedia, the free encyclopedia
拖鞋(粵拼:to1 haai4*2)係鞋嘅一種,後踭全空,只有前面有鞋頭,多數係平底。材質通常係相當輕軟嘅皮料、塑膠、布料等。著拖鞋呢個動作有時會叫踢拖。
拖鞋嘅種類根據穿着嘅場合有啲分別,例如:海灘拖鞋,就唔會係布料造,而係塑膠,係為咗要防水,容易清洗嘅緣故,鞋頭嘅型式都有特別設計,如果鞋面條帶係人字型連「夾柱」要用兩隻腳趾夾住嚟著呢種,就俾人叫做人字拖。不過冬天嘅室內拖鞋,就為咗保暖,可能用絨布,而唔用塑膠。
由於近年來休閒裝嘅發達,一啲睇起來正式嘅拖鞋亦相當流行,鞋頭可能係精緻嘅皮製形式,不過後面全空,就係一般嘅拖鞋。著起上來相當方便,返工時如果長褲褲腳夠長,睇唔出來係一對拖鞋。
拖鞋同一啲特定地區嘅文化亦有深厚關係。喺好多亞洲國家,入到屋企一定要換室內拖鞋,喺廁所亦有專用嘅浴室拖鞋。而且主人同客人嘅拖鞋通常都有分別。而熱帶地區國家,喺戶外着拖鞋係相當常見嘅,好多係街頭工作嘅人,工作裝扮亦都會有一對拖鞋。多數餐廳都唔會唔准着拖鞋嘅入去。某啲海濱嘅觀光景點亦常見穿着拖鞋嘅觀光客,因此有啲高級餐廳、服飾店或百貨精品店,會喺店門上張貼「禁止穿拖鞋入內」嘅標語。
不過,喺正式場合著拖鞋係唔合禮儀嘅。
而女士所着嘅涼鞋,有啲款色都會同拖鞋類似,亦都係只有鞋頭冇後踭,不過通常係有高踭而唔係平底嘅,呢種唔會叫做拖鞋,都係簡稱做高踭鞋或者涼鞋,亦可以叫做「高踭拖鞋」。
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.