From Wikipedia, the free encyclopedia
《想和你去吹吹風》係香港歌手張學友嘅第10張國語唱片，主打歌《想和你去吹吹風》以成為華語樂壇嘅經典國語歌曲，憑住呢張唱片，張學友成為第一個獲得金曲獎最佳國語男歌手嘅非中華民國國籍音樂人士。
自1991年開始，張學友逐漸成為大中華地區流行音樂領域唱片銷量最高嘅男歌手之一，甚至都可以話佢係1990年代銷量最高嘅華語男歌手。1990年代中後期開始，佢不斷嘗試曲風新嘅挑戰，先後決定暫時退出電影圈，製作音樂劇《雪狼湖》等驚人嘅舉動。1997年發行《想和你去吹吹風》專輯前重話今後一年入面剩係會出一張粵語唱片同一張國語唱片，以便能夠保護唱片嘅製作品質。
《想和你去吹吹風》既係喺呢種境遇下製作完成嘅，主打歌《想和你去吹吹風》喺成個大中華地區同海外大熱，張學友同數碼通請嚟香港出名導演許鞍華做MV錄影帶嘅導演，從而拍攝成為一部非常高質量嘅商業廣告——《真的承諾之光影歲月》，片入面資深電影人張同祖都友情演出，歌曲時至依家已經同周潤發嘅《真的承諾之壯志柔情》，梁朝偉嘅《真的承諾之浪子情深》共同成為商業廣告歌嘅經典。
張學友憑住呢張唱片攞咗台灣金曲獎嘅最佳國語男歌手獎，都係歷史上第一個非中華民國國籍嘅獲獎人，成為呢一個喺台灣最具有影響力嘅獎項改革後第一個受益人。金曲獎嘅改革都被認為係因為張學友等香港歌手喺台灣嘅影響力日益增大所導致。早喺1993年，張學友推出創紀錄銷量嘅國語唱片《吻別》開始，金曲獎最佳國語男歌手嘅國籍限制喺嗰時就有爭議。跟住推出嘅大碟《祝福》、《真愛新曲＋精選》、《擁友》、《忘記你我做不到》無一例外嘅成為當年台灣銷量的冠軍。而金曲獎主管部門嘅中華民國行政院都順應形勢做出咗喺國籍規則上嘅改革。
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
