大火

大火，恆星之一，喺心宿，色赤如火，亦如心，所以叫火。自古以來都係用來司辰，見於甲骨文，係商人族星，所以叫商星。有其他名大辰、鶉火。又叫大火星。儀象考成編佢為心宿二。心宿三星中，佢叫天王。大火亦係東方蒼龍嘅心。

古時睇住大火嘅官，叫火正。夜天有兩星出名色赤如火，一粒係大火，另一土粒熒惑，即係火星。大火係恆星，熒惑係行星。

西洋星座入面，歸入天蠍座，為天蠍座α星。正好亦視為天蠍嘅心，同心宿呼應。又一方面，西洋叫佢做Antares，出自希臘文Ἀντάρης，亦即係火星對家咁解。

現今天文所知，大火並唔孤星，而係雙星，有個伴，但細好多。大火係光星，亦係變星，光等〇等六到一等六之間，變得好慢。

杜甫詩贈衞八處士云，「人生不相見，動如參與商。」商星，係夏夜嘅星，參星，係冬夜嘅星。佢地相差半個天，永遠都唔一齊相會。實際故事於見左傳昭公元年，有關兄弟閼伯同實沈嘅故事。

書堯典，有句「日永星火，以正仲夏。」日永就係夏至，一年之中，日照至長，夏至中天可以見到火，就係仲夏。

大火又叫商星，係商人拜嘅星。甲骨文有相當多火嘅卜辭。而且有唔同方法祭大火星。例如，「癸酉卜，扶，侑火。」癸酉日卜問，用侑祭拜大火星，用好唔用？

文獻