微辣

微辣（粵拼：mei4 lat6，英文：Manner）係澳門微辣文化有限公司嘅娛樂品牌，2013年8月由陸志豪、林茂發同埋李偉麟一齊搞咗「微辣」網站，喺2016年12月成立埋公司，2019年仲涉足香港。2023年7月，其前職員劉靜儀（阿晶／Jane）自殺，成為咗哄動嘅大新聞，公司整體同多個成員因此飽受批評。

微辣 Manner
YouTube資料
頻道	微辣 Manner
活躍年代	2013–2023
訂閱	664,000 （截至30-4-2021）
總點擊率	444,480,053 （截至30-4-2021）
播放按鈕成就 10萬個訂閱
喺30-4-2021嘅訂閱同點擊率。

歷史

原本「微辣」網站只係得幾條十秒鐘嘅短片，後嚟因為一條麥當勞揸雪糕嘅片爆紅，佢哋貼地搞笑共鳴嘅風格，吸引咗好多人鍾意，對佢哋有興趣，之後仲越做越大。而家喺各平台嘅短片畀人瀏覽咗超過30億次，Fans亦超過600萬，遍佈中國大陸、香港、澳門、台灣、東南亞等地^[1][2]，由六毫子、Jacky Lei同埋加蔥三人夾份搞咗Manner創作室，亦即係微辣嘅前身。

有消息指呢檔生意喺2021年已經籌備緊喺香港上市，不過由於業績唔夠好，一直實行唔到。

到2023年，劉靜儀（阿晶）自殺事件重創佢哋嘅計劃，唔止畀人質疑佢哋詐騙澳門政府津貼，仲被廣大港澳市民抵制，搞到好難營運，甚至可能要執笠或賣盤。^[3][4]阿晶自殺事件後，微辣宣布暫停更新。^[5]有網民影到微辣嘅辦公室拆哂，裏面一片狼藉。^[6]

旗下藝員

• 麥嘉欣（Sofia）
• 陳康榮（雞Wing）
• 黃曉晴（Yelo）
• 劉蘊晴（Rachel）
• 李天慧（多多）
• 李熙媛（Rosalina）
• 馬檇鏗（Roberto）
• 雷諾（Black Joe）
• 駱錦瑩（Lok B）
• 范偉培（Alex）
• 陳建博（囂糕）

前藝員

• 歐陽仲豪（豪Dee）
• 霍俊邦（霍哥）
• 林茂發（加蔥）
• 陳欣（Tina）
• 葉蘇霖（Sulin）
• 李宇軒（阿軒）
• 葉佩男（家姐）
• 葉思男（阿妹）
• 高維泰（阿泰）
• 黃馨慧（慧慧）
• 溫寶茹（Amilia）
• 李靖茹（蘇菲）

爭議

武漢肺炎疫情期間涉嫌違反限聚令

内文：ClubONE § 淺水灣網紅派對違反限聚令

喺2022年7月26號，食品公司Future Salad被揭發喺ClubONE淺水灣店搞違反限聚令嘅活動，其中一啲微辣嘅演員，仲有丁子高同方力申都有出席^[7]。

被指欺凌前經理人致其自殺身亡

内文：劉靜儀

劉靜儀（阿晶／Jane）曾經係微辣嘅經理人，亦曾經係林茂發（加蔥／Nathan）嘅女朋友，2021年離開咗微辣並獨立噉做KOL，到2023年先後疑似食安眠藥自殺失敗同證實燒炭自殺成功，而自尋短見嘅原因被指為長期抑鬱症。坊間推斷佢嘅情緒病起係同林茂發嘅感情瓜葛加上其他微辣職員嘅精神傷害。阿晶喺網絡上同林茂發隔空對質，證實阿晶曾經懷有加蔥骨肉，加蔥遊說或威迫到阿晶去墮胎，加蔥向阿晶表示自己係不婚主義者，其後分手；過咗一排向微辣另一個女職員儀仔求婚，並喺網上多次放閃，兩人現為未婚夫妻。另外，亦有大量網民分析阿晶自殺嘅另一個原因係最少六個其他微辣成員夾份職場欺凌兼網絡欺凌佢，阿晶亦指控微辣有人恐嚇，要佢收聲，而公司已經整好咗用來對付佢嘅歌同片，仲要佢簽署若干聲明，微辣喺後來嘅一份公告否認有噉嘅事。^[8][9]

與微辣相熟之KOL散佈假消息

喺阿晶死後無幾耐，YouTube頻道「伍妞有伍仔」多次聲稱得到獨家報料，並以此為題，發表喺商業上似乎對微辣文化有利嘅言論，後來有唔少佢展示或描述嘅所謂證據被確認係流嘢，因此備受網絡輿論批評，以下列出較為囑目者；若干其他因有「標題黨」問題而為人詬病嘅內容在此省略。

• 用變聲技術捏造所謂前微辣員工錄音：段呃人嘅嘢出現於「伍妞有伍仔」YouTube頻道嘅錄播節目；有個喺「無糧軍師Water」YouTube頻道直播節目中鋒煙嘅觀眾質疑其出自該主持之口；「伍妞有伍仔」YouTube頻道嘅錄播節目承認被講中，聲稱噉做嘅目的係保護線人
• 用做過手腳嘅微信截圖指控阿晶犯法：張呃人嘅嘢出現於「伍妞有伍仔」YouTube頻道嘅錄播節目；是次造假俾一個「請求澳門特首取消全部對微辣的資助及貸款聯署」面書群組嘅帖揭發^[10]；「伍妞有伍仔」YouTube頻道嘅一個帖大概話相信噉係線人嘅錯，質問緊佢^[11]
• 講述令人驚訝嘅所謂微辣眾星報價表：堆異常龐大嘅金額出現於「伍妞有伍仔」YouTube頻道嘅錄播節目；該批資料隨後亦經其他渠道喺互聯網流傳^[12]；兩個「請求澳門特首取消全部對微辣的資助及貸款聯署」面書群組嘅帖質疑銀碼失實^[13][14]；「伍妞有伍仔」YouTube頻道嘅一個帖大概指對方證據不足，形容被屈^[15]

有無呃政府錢？

辣粉團道德問題

參考

1. 〈澳自媒體企業期再發光芒〉。市民日報。原著喺2017年7月24日歸檔。喺2017-03-05搵到。
2. 〈澳門90後青年拍MV鼓勵追夢 網民贊「聽到哭」〉。文匯資訊。原著喺2014-08-03歸檔。喺2013-08-26搵到。
3. 《微辣已死，爆料上市失敗原因！ 六毫子行蹤成謎，藝人紛紛跳船！《#焦點新聞︱20230811》CC中字》 (英文)，喺2023-08-18搵到
4. 〈Jolam 林作 on Instagram: "依家應該可以講啦：我10日前代表一位富豪向微辣發出了收購邀約，並和高層直接洽談了。隨後對方聯絡不了了之。咁樣，唔係更加要賣咩？"〉。Instagram (英文)。喺2023-08-18搵到。
5. 〈微辣‎阿晶離世丨微辣‎宣布即日起「暫停更新」 網民唔收貨繼續怒罵：執咗佢啦！〉。《星島頭條》 (香港中文)。2023-08-10。喺2023-08-18搵到。
6. 《網傳澳門辦公室退租後最新照片　內部全數拆毁一片狼藉》 (香港中文)，香港01，2023-09-25，喺2024-04-25搵到
7. 陶嘉心 (2022-07-27)。〈淺水灣ClubONE辦網紅派對泳衣騷 百人除口罩滿場飛碰杯涉違防疫〉。《香港01》 (香港中文)。喺2022-07-29搵到。
8. 〈微辣阿晶Jane自殺離世　加蔥ig被網民湧入怒罵：出嚟道歉〉。《香港01》 (香港中文)。2023-07-27。喺2023-07-27搵到。
9. "微辣Manner on Instagram". Instagram (英文). 喺2023-08-08搵到.
10. 〈請求澳門特首取消全部對微辣的資助及貸款聯署 | 5仔YT封面的0.6與晶對話：〉。www.facebook.com (英文)。喺2023-08-18搵到。
11. 〈伍妞有伍仔 - YouTube〉。www.youtube.com。喺2023-08-18搵到。
12. 〈微辣解散｜微辣官方IG宣布暫停更新 傳已遣散員工、藝人收費全曝光 | 最新娛聞〉。《東方新地》 (美國英文)。2023-08-11。喺2023-08-18搵到。
13. 〈請求澳門特首取消全部對微辣的資助及貸款聯署 | 晶離職post 偽人收入開頭得幾千。2021/8 叫隱定。什麼一個月150萬？係就地址不是工業大廈。多謝5.0指引〉。www.facebook.com (英文)。喺2023-08-18搵到。
14. 〈請求澳門特首取消全部對微辣的資助及貸款聯署 | @everyone 億元大老虎 vs ＄3000小麻雀〉。www.facebook.com (英文)。喺2023-08-18搵到。
15. 〈伍妞有伍仔 - YouTube〉。www.youtube.com。喺2023-08-18搵到。

出面網頁

• 微辣