徐英偉

  提示：呢篇文講嘅唔係楊英偉。

徐英偉，JP^[1]（英文：Caspar Tsui Ying-wai，1977年9月2號—）係前香港政府民政事務局局長，曾經係香港史上咁多年嚟最後生嘅局長高級官員之一，兼任候選人資格審查委員會官守成員，佢祖籍廣東省惠州市博羅縣，2023年起，徐英偉而家係開始經營嘅酒店公關行業。

The Honourable 徐英偉 Caspar Tsui Ying-wai
第7任香港民政事務局局長
任期 2020年4月22號－2022年1月31號
行政長官	林鄭月娥
政務司司長	張建宗 → 李家超
副局長	陳積志
政治助理	黎穎瑜 → 張進樂
前任	劉江華
第2任香港勞工及福利局副局長
任期 2017年8月2號－2020年4月22號
局長	羅致光
前任	蕭偉強
繼任	何啟明
個人資料
別名	徐Sir、偉哥
出世	(1977-09-02) 1977年9月2號（47歲）  英屬香港
國籍	中國（香港）
政黨	民建聯
宗教信仰	基督教
學歷 渥太華大學社會科學學士 曼徹斯特大學工商管理碩士

背景

簡歷

徐英偉祖籍惠州市博羅縣。佢獲得加拿大渥太華大學社會科學學士同曼徹斯特大學工商管理碩士。佢喺2006年加入民建聯，一做到2022年。

徐英偉喺加入政府之前曾經任職銀行界，曾經服務過加拿大滙豐銀行、滿地可銀行、美林證券同美國運通銀行，亦做過香港恒生銀行投資服務經理，2008年6月到2012年6月期間，同2012年9月到2017年6月期間出任民政事務局局長政治助理。2017年8月起，以40歲之齡嘅徐英偉出任勞工及福利局副局長。

2020年4月22號，徐英偉先畀國務院根據行政長官林鄭月娥嘅提名聯同建議任命為民政事務局局長^[2][3]，同埋接替被免職嘅原民政局局長劉江華。任内首件政治任務，係唔再跟隨傳統委任現任區議員入分區委員會，而起用過百名區選中落敗嘅建制派人士。

事件

2022年1月3號，徐英偉參加洪為民生日派對聯歡會事件之下，就留足成晚之後又有食嘢，食嘢以外時間都冇戴返口罩。該聯歡會後來有人確診武漢肺炎，徐英偉被列為密切接觸者，要隔離檢疫21日。行政長官林鄭月娥點名批評對喺抗疫期間出席該大型聯歡會嘅徐英偉「尤其失望」。原定24號完成檢疫、25號可以復職嘅徐英偉，畀行政長官勒令繼續休假，冇如期復職，同月25號，《南華早報》報道行政長官林鄭月娥啟動咗對徐英偉嘅革職程序，留待中央人民政府拍板批准^[4]。30號開始傳出徐英偉主動請辭局長職位嘅消息^[5]，到31號朝頭早終於書面向時任行政長官林鄭月娥提出徐英偉當曾經出席洪門宴就會違反口罩令事件後辭職，並且發出聲明^[6]。到咗2月24號，根據國務院決定免去佢請辭民政事務局局長徐英偉先生嘅職務，長達結束嘅16年政治生涯^[7]。

攷

1. 〈第6202號公告〉 (PDF) (新聞稿)。香港政府憲報。2017年8月25號。
2. 〈国务院任免香港特别行政区政府主要官员〉。中華人民共和國國務院。2020年4月22號。（簡體中文）
3. 〈政府公布主要官員任免（附圖）〉。香港特別行政區政府新聞公報。2020年4月22號。
4. Chris Lau & Gary Cheung (2022年1月25號). "Home affairs chief Caspar Tsui to leave post as Hong Kong leader prepares to discipline officials for attending infamous birthday bash, sources say". 《南華早報》 (英文).
5. 〈01獨家｜洪門宴風波　徐英偉主動請辭民政局長！〉。《香港01》 (繁體中文)。2022年1月30號。
6. 〈民政事務局局長徐英偉聲明〉。《香港特別行政區政府新聞公報》 (新聞稿) (繁體中文)。2022年1月31號。
7. 〈国务院免去徐英伟香港特别行政区政府民政事务局局长职务〉。中華人民共和國中央人民政府。2022年2月28號。（簡體中文）

出面網頁

• 〈行政長官有關官員出席宴會事件的聲明〉 (新聞稿) (繁體中文)。香港特別行政區政府新聞公報。2022年1月7號。