廁紙

廁紙（又寫作厠紙）係設計畀清潔屎眼用嘅紙。屙完屎之後用來抹走黐住響上面嘅屎。另外亦都可以用來清理屙完尿之後，陰部淨低嘅尿滴。因為佢係廁所度用，所以叫廁紙。舊時廁紙用草嘅纖維做，所以又叫草紙。

一卷廁紙

廁紙同面紙嘅成份唔同。廁紙係設計到響水裏面會爛溶溶，以保持渠暢通。有某幾種廁紙係可以響化糞池度分解，但係面紙就唔可以喇。