希末·雅恩

希末·雅恩（德文：Helmut Jahn，德文讀音： [ˈhɛlmʊt ˈjaːn]；1940年1月4號—2021年5月8號）係位德國美裔嘅建築師，喺德國拜仁州嘅紐倫堡市度出世。佢最出名嘅設計係德國柏林嘅朴茨達麻廣場入面嘅索尼中心、法蘭克福嘅商品交易塔，同埋美國賓夕凡尼亞州費城嘅自由廣場（英文：Liberty Place）、泰國曼谷嘅新曼谷國際機場。重有嘅係，中國廣東省廣州市嘅利通廣場就係佢嚟負責設計嘅。2021年5月8號，佢喺屋企附近踩單車嘅時候出車禍去世，享年81歲。^{[1][2][3][4][5]}

德國柏林嘅朴茨達麻廣場入面嘅索尼中心，就係由希末·雅恩嚟負責設計嘅。