希伯崙
From Wikipedia, the free encyclopedia
希伯崙[4] (希伯來文：חֶבְרוֹן，羅馬拼音：Ḥevrōn)，又跟阿拉伯文譯做哈利勒 (阿拉伯文：الخليل，羅馬拼音：al-Khalīl) ，係一座位於巴勒斯坦西岸地區南部嘅城市[5][6][7][8]，位於耶路撒冷以南30公里（19英里）。
希伯崙係巴勒斯坦希伯崙省嘅首都，亦係西岸地區之中第二大嘅城市，只係排喺東耶路撒冷後面[9][10] 。截至2017年，城市嘅人口係201,063位巴勒斯坦人[3]，同埋大約700位住喺聚居地嘅猶太人[11]。希伯崙無論喺猶太教[12][13][14]定係回教[15][16][17]
希伯崙係其中黎凡特地區之中歷史最悠久嘅城市之一，自從青銅時代已經有人類嘅足跡。根據《聖經》記載，亞伯拉罕喺希伯崙落腳，為佢嘅太太撒拉埋葬。聖經傳統聲稱，亞伯拉罕嘅後代，包括以撒、雅各、同埋佢哋嘅太太，都一樣係喺呢度埋葬。除此之外，宗教傳統亦認爲，大衛係喺希伯崙受膏，成爲以色列國王[18]。喺南國猶大滅國之後，以東人喺希伯崙聚居。除咗十字軍東征期間，曾經短時期控制過個城市以外，希伯崙自從6世紀以嚟，基本上都係由回教嘅帝國統治。
到一次大戰之後，鄂圖曼帝國滅亡，希伯崙成爲咗英屬巴勒斯坦嘅一部分。喺1929年嘅一次反猶大屠殺，同埋喺1936-39年期間阿拉伯人嘅反英起義之後，大部分喺城市住嘅猶太人都搬走咗[18]。到第一次中東戰爭之後，希伯崙俾約旦吞并，到六日戰爭之後，成爲咗以色列控制嘅地方。自此以嚟，當地嘅猶太人逐漸多返[18]。喺《奧斯陸協議》，希伯崙大部分地區都屬於巴勒斯坦自治政府管治嘅地區。
因爲希伯崙自從1990年代以嚟，係由巴勒斯坦自治政府同以色列一齊控制，所以有人聲稱好似係以巴衝突嘅縮細版[19]。喺以巴簽咗嘅一份協定之中，希伯崙分咗做 H1（包括咗8成嘅面積，由巴勒斯坦自治政府管）同埋 H2（包括咗2成嘅面積，由以色列管）[11]。
希伯崙係西岸地區嘅重要貿易中心之一，估計佔咗西岸地區嘅 GDP 嘅 1/3。呢個主要同當地出產嘅石灰岩有關[20]。當地其他嘅主要產品包括提子、無花果、陶器、同玻璃等等。
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
