希伯來數字

希伯來數字指用希伯來字母當數字用，用法係用字母嘅數值砌你想表達嘅數出來，原理通常同中文一樣，由大砌到細（寫法就仍然係右到左），但係 15 同 16 就要避忌上帝嘅名（יהוה），所以寫 טו（九^加六）同 טז（九^加七），唔寫 יה（十五）同 יו（十六）^[1]^:ix。

如果有需要，字母可以重覆用，但係應該避免重覆用太多次，因為會好難睇得明^[2]。如果要寫一千或者以上，一千萬以下嘅數字，一般嘅做法係先寫有幾多千，再加撇（׳，geresh），再寫千位以下嘅部分^[3]^[4]。

希伯來數字最常見嘅用途喺用來寫日子^[2]，例如 5773（年）會寫成 ה׳תשעג（五千四百^又三百七十三）^[3]。聖經經文嘅章節號碼，印出來亦都係希伯來數字。