摩羯座又叫山羊座，係家下八十八西洋星座之一。佢響天球赤道一帶，佔天球面積414平方度。地球北半球來講，摩羯座係秋天嘅星座，即係秋夜會見到。肉眼可以睇到嘅星，約莫50粒到。有一到四等星9粒，即係有3等星2粒、4等星7粒[1]。
佢響黃道十二星座嘅第十位。
歷史
摩羯座形象係羊頭魚身怪物。
佢嘅起源更可以追溯至到公元前7至6世紀，當時太陽位置就喺佢入面。喺北半球，太陽喺冬至時位於南方最低處，於冬至之後逐漸向北方爬升，有人將呢種嘅太陽比喻為爬緊岩石嘅山羊。
占星
占星學上屬摩羯座嘅人係喺12月22日至1月20日出世，屬「堅守原則」果類型。
故仔
星座符號：
古希臘人好識得將動物聯想一番。佢哋認為喺森林裏面住咗一群名叫沙駝（Satyrs）[即森林之神]嘅動物，有山羊嘅腳同角，而且滿面鬍鬚，其中之一係牧羊之神潘（Pan），佢係一個好鍾意睏晏覺，又好容易畀其他嘢嚇到嘅天神，聽講「恐慌」嘅英文panic，就係改自佢嘅名。
有一次，潘同下山來嘅寧芙仙子（nymph）席琳克絲（Syrinx）偶然相遇。席琳克絲係狩獵女神阿蒂蜜絲嘅隨從。席絲克絲非常靚女，潘對佢一見鍾情。但係潘個樣實在太醜，席絲克絲見到佢就嚇到掉頭走。
兩人你逃我追咁逼到河邊，席琳克絲因為走投無路所以向佢阿爸河神求救。潘以為自己終於答住席琳克絲嘅膊頭，點知手上攞著嘅係河邊嘅蘆葦，寧芙仙子就乘機走人，潘失望之餘，將蘆葦束埋一齊造咗枝笛[又稱為「潘笛」（Pan's flute），據講係管風琴嘅雛型]，成為潘隨身攜帶嘅樂器。
潘用潘笛吹奏優美嘅曲調時，眾神都會聚喺尼羅河邊聽。誰知一隻叫「泰風」（Typhon）嘅怪物突然出現，佢嘅恐怖叫聲嚇窒所有天神（包括潘在內），潘喺失魂落魄之下，想變做魚遊走，但只將下半身變做魚尾，而上半身就維持不變。傳說宙斯覺得潘嗰陣嘅樣幾好笑，於是將佢嗰個滑稽形象搬咗上天，咁就成為咗摩羯座而家呢個形象。
註
睇埋
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
