屯門足球隊

  提示：呢篇文講嘅唔係屯門普高。

屯門足球隊係香港屯門體育會旗下嘅足球隊，喺1964年成立^[1]。隊波攞到2009/10年度香港乙組足球聯賽亞軍，首次攞到升上香港甲組足球聯賽嘅資格，係繼大埔足球會同埋沙田足球隊之後，歷來第三支由香港丙組（地區）足球聯賽升到上甲組嘅地區聯賽球隊。

屯門

全名	屯門體育會有限公司
外文全名	Tuen Mun Sports Association Limited
教練	甄力健
打緊聯賽	香港甲組足球聯賽
2012/13	甲組第3
主場波衫 作客波衫

2013年假波醜聞

2013年12月22號喺屯門鄧肇堅運動場舉行嘅香港甲組足球聯賽賽事，屯門主場對橫濱FC香港，賽至補時3分鐘，横濱FC香港開出角球，屯門球員李明喺無人壓逼下，衝入小禁區跳起頭槌輕鬆頂入自己龍門，屯門最終因為呢個烏龍波以1-2輸咗^[2][3]。

賽後，屯門球員羅嘉樂喺社交網站貼咗好多張一千緡紙，重寫低「萬惡錢為首」；另一球員黎耀昌就喺社交網絡上話「痴線！無話可説。越諗越嘈。」守門員陸平中亦寫道「Shame羞恥！」。第二日，香港足球總會發表聲明，成立專責小組調查呢單事幹^[4][5]，屯門亦決定即時炒李明魷魚^[6]。

12月27號，領隊李潤華同埋署理教練甄力健話因為同贊助商嘅理念達唔到一致，加上李明事件令渠哋對香港球壇睇法有改變^[7]，雙雙向球會辭職，由足球部主任盧光中復出出任教練^[8]。而屯門體育會為免情況惡化，影響球隊聲譽，亦終止咗同球隊嘅管理公司合作，即時收回間公司管理屯門甲組隊嘅管理權，取消晒所有屯門甲組同埋預備組嘅職球員喺香港足球總會嘅註冊，保留向管理公司追究有關損失嘅權利。

球員

而家嘅陣容

喺2011年2月27號更新。

號碼 位置 球員名 1 龍 蕭亮 2 後 凌琮 3 中 楊振雄 4 後 馬肇均（暫借港菁） 5 後 鄭廷智 6 中 謝思利達（暫借港菁） 8 中 周綽豐 11 中 葉子俊 12 中 比圖 13 中 藍永亨（暫借港菁） 14 中 羅嘉樂 16 後 劉業華

號碼 位置 球員名 17 中 徐維駿 18 中 張耀庭 19 龍 陸平中 21 前 甄栢朗（暫借港菁） 22 中 劉浩霖 24 中 李志誠 28 後 黃志聰 29 中 李明 31 中 張志豪 34 中 陳顯聰 35 中 鄧梓濠 36 楊啓斌 40 胡德政

攷

1. 〈香港足球總會〉。原著喺2013年12月23號歸檔。喺2013年12月27號搵到。
2. 球賽結果 互聯網檔案館嘅歸檔，歸檔日期2014年1月4號，.，香港足球總會
3. 屯門主場1:2橫濱FC痛失三分 互聯網檔案館嘅歸檔，歸檔日期2013年12月26號，.，體路
4. 〈有關屯門對橫濱FC(香港)賽事的事件〉。原著喺2014年3月1號歸檔。喺2013年12月27號搵到。
5. 足總組專責小組調查屯門李明離奇「烏龍球」 互聯網檔案館嘅歸檔，歸檔日期2013年12月29號，.，體路
6. 港足總查擺烏龍屯門李明遭解僱^{[失咗效嘅鏈]}，now.com 新聞網
7. 屯門足球領隊及署理教練辭職^{[失咗效嘅鏈]}
8. 假波疑團未解 屯門隊取消全體球員註冊 互聯網檔案館嘅歸檔，歸檔日期2016年12月25號，.，蘋果日報 (香港)

出面網頁

• 屯門體育會網站