一套字母

一套字母（粵拼：jat1 tou3 zi6 mou5），通常叫字母，亦有文之字母，由單隻字母組成。而單隻字母係拼音文字嘅最子記綠單位。一套字母用喺啲文度，呢種文用成套字母寫成。粵語白話文唔係拼音文字，所以係冇字母，佢係用字做記綠單位。粵語拼音只係一套符號。

上圖列晒腓尼基字母啲字出嚟，每隻字掕埋佢大致對應嘅羅馬字母。留意圖中個 Y 寫緊嘅音對應國際音標嗰個/j/。一般認為，腓尼基字母屬於輔音音素文字，唔算係狹義上嘅字母系統，但係有好多字母系統都係由佢衍生出嚟嘅，譬如係希臘字母同羅馬字母等。

希臘文用希臘字母寫。英文用英文字母（羅馬字母嘅變體）寫。

有啲字母，分大細楷，即係單隻字母有兩種寫法。

概論

睇埋：語音學、國際音標、表音文字同字素

字母系統係表音文字嘅一個大類。狹義上，字母系統特徵係每隻字母都係表示緊某個元音或者輔音，而且元音同輔音地位同等，兩者都自成符號。

羅馬字就屬於字母系統呢種類型，英文、德文、法文同葡文等西歐嘅語言傳統上都係用羅馬字嘅變體寫嘅，而包括粵語同閩南話在內嘅多種漢語都有羅馬化方案，例如粵語有 LSHK 粵拼同耶魯拼音。

喺羅馬字當中，個別字母可以表示元音或者輔音，元音同輔音地位同等，兩者都可以自成符號^[1]：

羅馬字	傾向寫咩音（IPA）	英文例子	粵語例子
A /a	元音 /a/、/eɪ/	car，/kɑː/（「汽車」）	kaa1（漢字：卡、咔）
B / b	輔音 /p/	bar，/bɑː/（「酒吧」）	baa1（漢字：巴、疤）
C / c	輔音 /k/、/s/、/t͡sʰ/	cent，/sɛnt/（「仙」）	caa1（漢字：叉、差）

重要例子

希臘字母

内文：希臘字母

希臘字母由大約公元前9世紀尾或者公元前8世紀初開始就用嚟寫希臘語。佢係由更早期嘅腓尼基字母演變而嚟嘅。

羅馬字母

内文：羅馬字母

睇埋：耶魯拼音同粵拼

羅馬字母，又叫拉丁字母，係世上最常見嘅字母系統。呢套字母起源於古羅馬，原本用嚟書寫拉丁文，後來演變成多種現代語言嘅書寫系統，包括英文、法文、德文、西班牙文、葡萄牙文同意大利文等。就算傳統上唔係用羅馬字母寫嘅語言，好多都有羅馬化方案，譬如粵語用開嘅耶魯拼音同粵拼等，都係主要衍生自羅馬字母嘅。越南話都係用羅馬字母寫嘅。

羅馬字母源自希臘字母同腓尼基字母。

羅馬字母由一系列標準符號組成，基本上係拼音文字，即係每個字母代表某啲語音。現代標準羅馬字母包括：

此外，羅馬字母亦有用於國際音標（IPA）記錄語音，亦常見於數學同科學等嘅領域。

韓字

内文：韓字

睇埋：特徵文字

韓字都算係字母系統，因為佢每一個符號都係表示緊元音或者輔音。韓字最初整咗28個基礎字母，分別係下面：

輔音部份

ㄱ	ㄴ	ㄷ	ㄹ	ㅁ	ㅂ	ㅅ	ㅇ
ㅈ	ㅊ	ㅋ	ㅌ	ㅍ	ㅎ	ㅿ	ㆁ	ㆆ

母音部份

ㆍ	ㅏ	ㅑ	ㅓ	ㅕ
ㅗ	ㅛ	ㅜ	ㅠ	ㅡ	ㅣ

但係隨著朝鮮語音韻結構嘅變化，有四個字母表示嘅音消失，所以今日用嘅基礎字母剩係有二十四個。依二十四個基礎字母相互組合就構成咗今日朝鮮文字母表嘅四十個字母。而剩低嘅字母要支援古朝鮮文字嘅作業系統先可以正確顯示。

朝鮮語字母表輔音部分

ㄱ	ㄲ	ㄴ	ㄷ	ㄸ	ㄹ	ㅁ	ㅂ	ㅃ
ㅅ	ㅆ	ㅇ	ㅈ	ㅉ	ㅊ	ㅋ	ㅌ	ㅍ	ㅎ

朝鮮語字母表母音部分

ㅏ ㅐ ㅑ ㅒ ㅓ ㅔ ㅕ ㅖ ㅗ ㅘ ㅙ ㅚ ㅛ ㅜ ㅝ ㅞ ㅟ ㅠ ㅡ ㅢ ㅣ

紅色字母係豎立類，藍色字母係躺臥類，綠色字母係複合類。母音字母所屬嘅類對組字嗰陣揀用邊個規則有好大嘅關聯。

睇埋

• 音素音節文字
• 輔音音素文字
• 正字法深度