蔡依林2012年單曲 From Wikipedia, the free encyclopedia
《大藝術家》（英文：The Great Artist）係臺灣歌手蔡依林嘅一隻單曲，由華納音樂同天熹娛樂喺2012年8月15號發行，收錄喺蔡依林嘅第12張錄音室專輯《Muse》[1]；該歌曲於Hit FM年度百首單曲排行榜位居第2名[2]；第二年5月呢隻歌同佢嘅MV分別入圍第24屆金曲獎年度歌曲獎同最佳音樂錄影帶獎，最終呢隻歌攞到最佳年度歌曲獎，係史上第一位憑住舞曲攞到呢個獎嘅歌手[3]。
臺灣歌手蔡依林喺2010年8月發行個人第11張錄音室專輯《Myself》，但呢隻碟喺銷量方面並冇預期咁好，呢隻碟雖然令蔡依林喺臺灣年度唱片銷量做咗女歌手嘅冠軍，但呢隻碟喺臺灣僅有超過6.5萬張嘅銷量，係蔡依林出道至依家銷量最低嘅錄音室專輯[4]。媒體喺2012年6月表示蔡依林嘅第十二張專輯《Muse》喺同年8月發行，經紀人王永良表示：「蔡依林對這張專輯非常慎重，也是花最多時間錄製的一張，有些歌已在砍掉重練，無論在音樂、MV或拍照都加入很多他自己的想法。[5]」同年8月15號，出咗專輯《Muse》嘅第一主打歌曲《大藝術家》[6]，該歌曲由臺灣音樂人嚴云農填詞，挪威音樂人Charite Viken Reinas、Eirik Johansen、Alexander Puntervold、挪威Dsign唱片公司嘅四位創辦人Robin Jessen、Anne Judith Wik、Nermin Harambasic同Ronny Svendsen一齊作曲，臺灣音樂人林邁可編曲同監製[7]；呢隻歌歌歌詞內容基於女性立場，呼籲女生相信自己搵到真愛[8]；蔡依林表示：「大藝術家這首歌的歌曲比較特別，除了有重拍的節奏外，還有涵蓋一些電子風格，它的旋律是我之前都沒有嘗試過比較唸唱的東西，又要有一些自己的態度，因為撰寫歌詞的嚴云農老師把詞寫的比較悍，女生要自主要有自己的想法，所以我在唱這首歌的時候，把自己投入在成為一個女強人的個性中作一個發揮[9]。」呢隻歌攞到第24屆金曲獎最佳年度歌曲獎，係史上首位憑住舞曲攞到呢個獎嘅歌手[3]。呢隻歌嘅MV由臺灣金曲獎最佳音樂錄影帶獎得獎者陳奕仁執導，並喺同月22號發佈；蔡依林表示：「拍大藝術家這支MV其實挺折騰的，因為這個導演是我第一次合作，我很期待跟他合作是因為他把大藝術家的故事背景，定調為一個未來的沙龍，沙龍就是屬於文藝復興時代的一個討論藝術、女生聚集的場所，當導演提出這個idea時，我的眼睛就為之一亮，覺得這種方式太特別了，且也很符合大藝術家這首歌；[9]」呢隻歌嘅MV攞到YouTube2012年度臺灣熱門影片排行榜第9名[10]，入圍第24屆臺灣金曲獎最佳音樂錄影帶獎[11]同2014年柏林音樂錄影帶大獎最佳視覺特效獎[12]，亦攞到2013年國際設計大獎視覺設計銅獎[13]同2016年臺灣金點設計獎視覺傳達設計獎[14]，更令蔡依林做咗第一位喺音悅Tai攞到滿分MV嘅女歌手[15]。
CD、數碼下載、串流媒體
| 地區 | 日期 | 格式 | 唱片公司 |
|---|---|---|---|
| 全球 | 2012年8月15號 |
|
凌時差音樂 |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
