塞浦路斯聯合國緩衝區

塞浦路斯聯合國緩衝區（UN Buffer Zone）又通稱做綠線（Green Line），係一條西北-東南方向貫穿塞浦路斯中部嘅緩衝隔離線，全長約莫187英里（301公里），將控制個島南部嘅塞浦路斯（希臘塞浦路斯）同埋控制個島北部嘅北塞浦路斯（土耳其塞浦路斯）隔開。

塞浦路斯島地圖（灰色嘅係塞浦路斯聯合國緩衝區）

呢條緩衝區大致係依尋1974年土耳其出兵進佔塞浦路斯島時，喺佢哋所佔領嘅區域外圍所劃嘅「綠線」（停火線）而設。綠線以北嘅土地面積佔塞浦路斯島37%，家陣係由土耳其所支持同承認嘅北塞浦路斯政權控制中。綠線除咗貫穿塞浦路斯之外，又同時穿越咗塞浦路斯嘅首都尼科西亞，將呢個城市一分為二，無論係原本嘅塞浦路斯政府抑或係後成立嘅北塞浦路斯政府，都將尼科西亞定做佢哋嘅首都。

原本嘅南北塞浦路斯隔離線裝置有包括水泥牆、有刺鐵絲網、暸望塔、反坦克溝渠同埋地雷區之類嘅阻隔設施，戒備好森嚴。家陣呢條隔離線係由聯合國維和部隊負責巡邏管理。

從2003年4月起，北塞浦路斯嘅土耳其裔政權喺長達30年嘅封鎖之後，第一次開放咗呢條隔離線嘅邊界，畀隔離區南北兩便嘅人民互相去到對面拜訪旅遊。