塔石體育館

塔石體育館（粵拼：taap3 sek6 tai2 juk6 gun2；葡文：Pavilhão Polidesportivo Tap Seac），簡稱塔石館，係澳門一個室內體育館，喺東望洋街，正門同華士古達嘉馬花園相連，塔石廣場對面，喺2004年11月16號落成啟用，佔地面積達5,539平方米。

塔石體育館
Pavilhão Polidesportivo Tap Seac

基本資料
位置	澳門望德堂區東望洋街
業主	澳門特區政府 （2004年至2006年1月23號） 澳門特別行政區政府體育局 （2006年1月24號至今）
建築
動工	2002年11月10號
啟用	2004年11月16號

塔石體育館曾經用嚟做第四屆澳門東亞運動會、第一屆葡語系運動會、第二屆亞洲室內運動會比賽場地。

設計

塔石體育館加入咗一啲環保元素，場館頂部同部分外牆採用天然光作為場館光源之外，亦安裝咗電動隔光幕簾以控制天然光強弱度。另外，體育館亦設有滲透式冷暖系統以調節場館嘅室內溫度^[1]。

設施

主場館

主場館（又叫A館），場館高度15米至22米，可設有最多3,295個座位，當中1,120個座位係活動性可伸縮座位。比賽面積45.4米x36.4米，當設置伸縮座位後嘅比賽面積係36.4米x25.6米；場館內設有一個640米x384米液晶電子顯示屏^[2]。主場館可以用嚟籃球、武術、空手道、籃球、排球、手球、乒乓球、羽毛球、室內五人足球、跆拳道、學校體育課、學校畢業典禮同其他體育文化大型活動用途^[3]。

副場館

副場館（又叫B館）場館高度7米，場地面積係320米x384米；場館內設有一個640米x384米液晶電子顯示屏，以木作為地板物料，適合用作籃球項目活動以同提供學校作體育課之用。

青年試館

青年試館（葡文：Centro de Experimentação para Jovens）；2007年2月前叫做塔石青年活動中心（Centro de Actividades Juvenis da Caixa Escolar^[4]）喺高偉樂街塔石體育館裏面^[5]，係澳門教育暨青年局轄下嘅其中一個以興趣班同青少年課餘活動為主嘅青年中心，青年中心喺1994年設立^[6]，兩年後增設心理輔導同生理諮詢等服務；2005年因社會發展而增加休閒教育以提升澳門青少年生活品質^[7]。青年試館設有閒聊館、博學堂、青年社團公用辦公室、綜合活動室同展覽廊等設施^[8]。

參考

1. （繁體中文）〈塔石體育館明天揭幕〉。市民日報。2004年11月15號。
3. （繁體中文）〈塔石體育館〉。澳門體育發展局。原著喺2010年12月6日歸檔。喺2010年1月1日搵到。
4. （繁體中文）〈第26/2007號行政命令〉 (PDF)。《澳門政府公報》 (24)。2007年6月11號。
5. （繁體中文）〈青年試館〉。教育暨青年局。喺2010年11月5號搵到。
6. （繁體中文）〈第26/94/M號訓令〉。《澳門政府公報》 (8)。1994年2月21號。
7. （繁體中文）〈青年試館〉。教育暨青年局。喺2010年11月5號搵到。
8. （繁體中文）〈青年試館〉。教育暨青年局。喺2010年11月5號搵到。

出面網頁

• 澳門體育局-塔石體育館