圓面積

一個半徑係 r 嘅圓嘅面積^[1]係 πr²。呢度嘅希臘字母π，同通常一樣代表圓周長同埋直徑嘅比值，即係圓周率。

而家嘅數學家可以用微積分或者更加高深嘅後繼理論實分析攞到呢個面積。但係，喺古希臘數學家阿基米德喺《圓嘅測量》（Measurement of a Circle）入面用歐幾里得幾何證明咗一個圓周內部嘅面積等於一個用佢嘅圓周長同埋半徑做兩個直角邊嘅直角三角形面積。周長係 2πr，直角三角形嘅面積係兩個直角邊相乘嘅積嘅一半，得出圓面積係 πr²。

參考

1. 中文嘅「圓」可以指圓周（circle），亦都能夠指圓盤（disk），呢度嘅「圓」指圓盤。