圓明新園

  呢篇文講珠海嘅圓明園。想搵北京嘅圓明園嘅話，請睇圓明園。

圓明新園（粵拼：jyun4 ming4 san1 jyun4；英文：New Yuanming Palace）係中國廣東省珠海市嘅其中一間好出名嘅旅遊景區，呢間嘢喺香洲區蘭埔路嗰邊。而呢間嘢係將北京入面嘅圓明園嚟按返1:1嘅比例嚟揀返之前圓明園嘅40個景區入面嘅其中18個景區而整返出嚟嘅一間新嘅公園。而家佢既係珠海十景入面嘅其中一個景區，又係中華人民共和國嘅其中一間第一批AAAA級景區。雖然話圓明新園係按返清廷嘅皇家園林嚟做主題，但佢唔係圓明園嘅陳列館。而公園嘅内容方面就發揮咗佢嘅特點而融合咗中西式文化、歷史、旅游、商業、飲食、遊樂呢6樣喺埋一齊。佢用咗濃厚嘅清文化、精雅別致嘅亭、台、樓、閣同埋氣勢龐大嘅大型舞蹈表演而吸引咗好多中國大陸、港澳同國外遊客嚟呢度旅遊。而圓明新園係融合咗古典皇家嘅建築同江南古典園林建築、西洋建築喺埋一齊而重新搞咗清朝嘅盛世風華。

圓明新園嘅正門

史

睇埋：圓明園

北京圓明園嘅原址係明朝皇親國戚入面死咗嘅一個地方，不過佢後嚟變咗清朝御苑。而圓明園喺1709年，康熙做緊皇帝嗰陣就起喇，而建築嘅名就改咗嗌「圓明園」，而「圓明園」呢3個字就係紀念皇帝嘅第四個孫——胤禛。雖然話圓明園喺雍正、嘉慶、道光、咸豐年代搞過整大同埋裝修，嗰時係世界上比較罕見嘅園林，重俾歐洲國家話係「萬園之園」同埋「東方韋璽宮」，但係佢唔好彩，喺1860年嘅第二次鴉片戰争嗰陣俾英法聯軍猛咁入嚟搶嗮啲嘢，甚至喺1860年10月18號燒埋圓明園都有。而家得返個遺址響度。之後幾代嘅清朝皇帝話想起返個圓明園出嚟，點知因為嗰時成日動亂，重有國家又比較落後而冇整返出嚟。

到咗1992年，北京建築學院就喺珠海嗰度使咗6個億，揀咗堀地皮嚟按返北京圓明園嘅40個景入面，揀其中18座建築嘅風貌嚟按返1:1嘅比例嚟起。而工程時間就用咗4年，一直到1996年底先至完工，而全新嘅圓明園喺1997年2月2號正式開放。而牌上面啲字係用返之前喺清朝起咗圓明園嗰陣，康熙自己親筆寫出嚟嘅。

面積

呢間公園嘅佔地面積有1.39km²。公園三邊環山，南面又平又闊。公園入面有2個湖（一大一細），其中最大嘅福海湖嘅水域面積有差唔多80000m²咁大。

建築特色

圓明新園正門嘅牌上面啲字

圓明新園嘅建築係按返喺爆咗第二次鴉片戰爭之前未燒到冧嘅北京圓明園建築嚟做樣板，佢主要有中國明清古典園林建築、江南園林同古典式西洋建築呢三大類。其中佢嘅大殿——正大光明、九州清晏、蓬島瑤台同方壺勝景組成嘅中軸線係皇家宮殿式嘅建築，而中軸線嘅西邊係遠瀛觀、大水法、海晏堂等西洋樓嘅景區，而環湖嗰度重有曲院風荷、上下天光、平湖秋月同濂溪樂處等10幾度中國江南園林嘅建築景。而佢有比較濃嘅清朝文化、重有比較靚嘅亭、台、樓、閣同氣勢比較大嘅大型舞蹈表演響度。而公園嘅西邊係有好大兼有貴族氣質嘅洋樓，上面有白色大理石牆身，重有比較靚嘅殿內裝飾，好似住喺舊陣時嘅歐洲宮殿噉。

主要景區同建築

正大光明殿入面嘅皇座

華表

遠瀛觀

海晏堂（嗰邊嘅十二隻生肖石像【從左到右睇】順序係「豬雞牛蛇兔羊，鼠虎龍馬猴狗。」）

石舫

喺曲院風荷景區入面啲王蓮

萬花陣

龍泉湖同淇澳風雲

哼蠻殿

五孔橋上面嘅所謂「江山一統」橋屋

九洲清晏殿

平湖秋月

福海湖、表演台（左）同埋蓬島瑤台（右）、皇帝下江南

方壺勝境

大水法

涵虛廊鑒

珠海夢幻水城嘅正門

圓明新園入面嘅長廊天花

福如東海石像

雕塑茶花園附近嘅步行景區道路

圓明新園入面有好多個景區，佢分開咗以下呢啲景區：

西洋樓

舊時北京嘅西洋樓喺1745年開始逳手起，佢係由舊時意大利佬——郎世寧、同埋法國佬蔣友仁、王致誠嚟負責設計，佢係由遠瀛觀、海晏堂、大水法等10㰸組西歐18世紀嘅巴洛克同洛可可式建築、庭院同噴泉組成嘅西洋景區。

遠瀛觀

遠瀛觀係西洋樓景區嘅主要景點，喺南北中軸線度可以劃分成南、中、北三個區。佢就係以前維吾爾族嘅愛妃——香妃就喺呢間嘢入面住過。

海晏堂

海晏堂係之前西洋景區入面，規模最大嘅一幢建築。如估按佢本身嘅東西中軸線嚟做對稱設計嘅。而正門平台下面就係水池，而水池兩邊就有十二生肖嘅雕像響度。而海晏堂面前嘅十二生肖水力鐘就係每日每隻動物輪流噴夠2個鐘先至停，不過到咗每日12:00嗰陣，十二隻動物都識一齊嚟噴水。而家海晏堂嘅一樓有皇家風格嘅皇宮西餐廳；而二樓係有藝術廊。

舊時喺起海晏堂時，本嚟想整12個剝光豬嘅靚女像，但係乾隆皇帝話太過鹹濕兼簡直係離嗮譜先至話冇整到，後嚟先至改咗12隻動物出嚟。而西洋樓入面重擺咗成萬個由鬼佬送過嚟嘅金銀首飾。

大水法

大水法係遠瀛觀前面嘅設施。佢同噴泉、漢白玉門柱上面嘅精美雕刻整成個異國情調出嚟。

正大光明殿

正大光明殿喺圓明新園二宮門嘅中間嗰個位，佢嘅名係相當之闊同幾有正氣噉解。呢間嘢係完全按返紫禁城入面嘅太和殿一樣嘅版本嚟整嘅，之前嗰度辦過朝會聽政同重大慶典。舊時喺每年嘅萬壽宴（皇帝嘅生日）同千秋宴（皇后嘅生日）都係喺正大光明殿入面辦。

九洲清晏景區三大殿

圓明園殿

圓明園殿係圓明園入面最早起嘅其中一間殿堂。康熙喺1709年寫嘅「圓明園」塊牌就掛響圓明園殿嘅上面。喺起好座殿之前，佢就係圓明園殿嘅正殿。

奉三無私殿

奉三無私殿喺圓明園殿嘅後邊，第個名係「楠木殿」。喺道光年間嘅每年正月十四嗰陣，啲人成日喺呢度請皇上舉辦佢哋嘅親戚同皇上嘅大餐。

九洲清晏殿

九洲清晏殿係九洲清晏景區三大殿入面最北邊嘅一座殿宇，而殿宇嘅北邊啱好有個湖響度。

安佑宮

之前圓明園嘅安佑宮入面有兩對雕刻嘅靚華表響度。而華表嘅形制都係一樣嘅，好似北京嘅人民大會堂出面嗰兩座華表噉。下邊係用石頭整嘅八邊形須彌座，而腳雕就係啲雲，束腰同上下枋飾就係雲龍，而上邊就畫住啲蓮花出嚟，最頂嗰度有條蟠龍響度；而條柱隔籬重有個踎低咗兼頭向天嘅神獸。而華表嘅外園都係用咗圈四邊形嘅白石欄杆圍住啲石獅子，望拄同欄板飾。華表喺之前重可以嗌「桓表」，佢係出喺古代嗰陣，用喺誹謗嘅木。之前佢係用木整嘅，但到咗漢朝就用咗石頭嚟整，變成帝王宮殿嘅裝飾。

萬花陣

萬花陣係用咗法式園林風格嚟整嘅手法，用咗幾條變得幾多嘅植物隔牆整成嘅大規模迷宮，重加入埋睇得順眼嘅傳統吉祥嘅卡通動物。

福海

福海係圓明新園入面最大、最中間嘅湖。第個名係東湖。佢有成10幾畝嘅水面面積，而成個湖差唔多好似個圓角正方形噉，其中東南西北四邊有500——600米闊。舊時雍正就話佢係「海」，係因為佢响追住神仙隱居嘅幻境，將幾座仙山瓊閣散喺福海邊，而按「徐福海中求」嘅意思而改咗噉嘅名。之前皇帝同班後妃都係成日嚟呢度玩、睇龍船同煙花嘅地方。

蓬島瑤台

蓬島瑤台係按返之前李思訓嘅仙山樓閣畫意嚟整嘅，佢喺福海嘅中間。喺島入面重可以隔住條湖睇到嗮四周圍好似個畫嘅景。

平湖秋月

舊時圓明園嘅平湖秋月喺1729年初就起好咗，佢係借鑒咗杭州西湖嘅平湖秋月嚟整。而造型方面就溝咗杭州西湖嘅平湖秋月同雙峰插雲嘅精華。

曲院風荷

舊時圓明園嘅曲院風荷喺1729年初就起好咗，佢係借鑒咗杭州西湖嘅曲院嚟整。之前乾隆因為好鍾意呢個景先至喺南巡江南嗰陣就加咗呢個景上去。

萬方安和

而舊時嘅萬方安和喺1826年起。佢嘅建築樣就好古怪，因為間屋喺水池入面起，整成好似個繁體字「萬」字噉，而佢點解起成噉，係因為「萬」字嘅樣就係「四海承平」噉解。而房屋就有成33間，而且東南西北，間間室都係折線相通嘅。喺通風、保暖同採光等方面，都係有佢自己講究嘅地方，而且重唔會好似喺而家大市區入面，夏天成日熱辣辣、冬天成日凍冰冰咁滯。之前雍正最鍾意響呢度住。而南邊嘅正室牌度寫咗「萬方安和」呢4個字就變咗呢帶嘅統稱。喺雍正4年，乾隆就喺呢度讀過書。

濓溪樂處

舊時圓明園嘅濓溪樂處喺1727年到起，佢是成個圓明園入面睇蓮花嘅地方。喺生嗮荷葉嘅水面度有『慎修思永』嘅一組臨水殿堂。喺夏天嘅傍晚或清高氣爽嘅秋天就喺呢度睇荷花喇，嗰度凈係睇到粉紅同綠就好鬼芳香喇，所以呢度係一個超正嘅讀書地方。之前乾隆同嘉慶帝都好鍾意嚟呢度吟詩作對。

上下天光

舊時圓明園嘅上下天光喺1726年起好。喺佢嘅名就諗到前面有好清嘅水池，同個天嚟睇就好似天連天，地連地噉。而橋樑嘅方面，就好活潑噉通去左邊同右邊，上面重有個六角亭同四角亭響度。棟樓就好矮，如估上去大樓嘅房入面就睇到嗮成個上下天光嘅靚景。而乾隆時代嗰陣嘅上下樓就有三間，到咗同治時期嘅重新裝修嗰陣就整成上下五間。如估上去棟樓或就喺條橋度望出去，都有水天相連嘅感覺，所以之前嘅帝后都話呢棟樓係睇八月十五嘅月光最好嘅地方。

金水橋

舊時嘅圓明園入面就有5座等級分明嘅金水橋喺好似個曲月嘅河上面。佢同華表、石獅啱好挾埋一齊，搞到個大朝建築又出到氣勢宏偉、都好壯觀，又秀巧瑰麗，大到O嗮嘴咁滯。而喺大朝門面前嘅廣庭中間，個造型都好靚，而橋底就有條好清嘅河流；河嘅兩邊就有條好似個帶噉嘅石欄響度，搞到條好闊嘅庭院方面，既睇到又闊又清楚，又唔會整齊劃一噉。

珠海夢幻水城

内文：珠海夢幻水城

珠海夢幻水城係圓明新園入面嘅其中一個以世界文明古國——古埃及為背景嚟整嘅主題公園，呢間嘢喺1999年7月起好重開放咗。

皇家四大樂園

哼蠻殿

特色節目

圓明新園入面有景區講解員嚟畀入去睇啲人嚟知多啲中國嘅近代史、清朝嘅文化同皇帝嘅宮廷生活。而圓明新園入面最出名嘅大型表演係《大清王朝》同《大清海戰》，而表演會定期換啲內容。除咗大型表演節目之外，喺每個中國古建築景區入面都整咗畀觀眾嚟參加嘅娛樂表演。

附近嘅交通

• 巴士：

  圓明新園站、圓明新園總站

出面網頁

• 圓明新園
• 此生不去圓明新園