囤積病（或者囤積症、儲物症、強迫性囤積症、病態性囤積症、棄置恐懼症；英文：compulsive hoarding）係一種有過份收集物件（囤積）嘅病症，即使係唔值錢、有危險性或者唔衛生嘅嘢。強迫性囤積病患者所聚集嘅嘢會干擾到或者損害到患者同身邊嘅人嘅生活上嘅流動性同埋佢哋嘅基本活動，包括煮食、打掃、沖涼同瞓覺等等。
目前重未清楚強迫性囤積症係唔係一個孤立嘅病態，淨係一種由其他唔同嘅病症影響而成嘅症狀，例如強迫症。
睇埋：囤積
雖然冇明確病症症狀嘅診斷標準定義，但係根據 Frost and Hartl 1996年提供以下對呢個心理病嘅定義為：
- 患者有收集癖好，佢哋需要、大量收購、收集或者唔能夠拋棄對其他人睇嚟冇乜價值或者冇用嘅嘢。
- 居住嘅環境因為收集返嚟嘅嘢大量堆積以致令到居住空間冇咗原本嘅功能，例如甚至要用到餐枱、凳、床、樓梯或者浴缸嚟擺嘢，睡房或者浴室用咗嚟做儲物室咁。
- 由於囤積行為而有顯著嘅壓力同埋干擾到或者妨害到對正常生活上面嘅運作。
- 唔願意或者唔能夠歸還借嚟嘅嘢，當借送界線模糊嘅時候，有時甚至會演變成為偷竊行為或者竊盜癖。
強迫性囤積喺最壞嘅例子可能會造成火災，唔衛生嘅生活環境（例如老鼠，甴曱橫行），俾收集返嚟嘅嘢躓倒而受傷，對自己同其他人嘅健康同安全構成危險。
有啲患者亦可能會錯誤咁認為自己收集返嚟嘅嘢嘅價值，亦可能知道積累嘅嘢係冇用，或者對啲嘢有強烈個人精神上嘅附屬感同寄托，就算患者明知啲嘢對其他人完全毫無價值嘅。
另外有啲患者會譬如將過期嘅嘢食保留落嚟，喺某啲情況下會強烈抗拒親友幫佢哋打掃。喺其他情況下，患者會意識到雪櫃需要清理，但係由於俾屋裏面其他地方嘅類似情況下打擊倒，亦知道如果要清除雜物嘅話唔會係輕而易舉嘅事而覺得無從入手而放棄執嘢。
- 強迫性囤積症文章（郭爽）（中文）
- 文章關於囤積症同對物件,事物嘅意義同重視 (Ferris Jabr)（英文）
- 七種引起囤積症嘅罪行（英文）
- 囤積症？(魯玉)（中文）
- 英國皇家精神科學院（英文）
- 香港壹蘋果健康網上介紹（中文）
- 囤積症症狀（英文）
- 關於囤積症的網頁（英文）
- 囤積症症狀（英文）
- 十件你應該知道關於強迫性囤積症嘅事（英文）
- 英國皇家精神科學院對強迫症嘅理解（英文）
- 對強迫症嘅理解（英文）
- 強迫觀念同強迫行為（英文）
- 強迫症症狀（英文）
- 關於強迫性囤積症嘅簡介Youtube短片（英文）
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
