唐人新村

唐人新村（英文：Tong Yan San Tsuen），喺香港新界元朗區屏山南部，以低密度住宅為主。唐人新村路係連接唐人新村嘅主要道路，村內仲有沙井路，主要交通為新界區專線小巴31線同埋支線31A線。

歷史

唐人新村唔係原住村落，早年人口唔多，喺1950年代先俾人開發。1952年，李希望教士同埋潘慈惠教士從元朗市來到屏山開荒，喺屏山唐人新村近屏康里開辦教會事工，即係新界神召會屏山堂。翌年，教會租到靜園農場，即係惠群學校（喺2006年停辦）前身。1970年，金蘭觀從九龍城福佬村道遷至唐人新村現址，嗰時新界元朗理民府理民官鄧樂等擔任主禮剪綵嘉賓，到賀嘉賓極眾，港九新界哄動，報章亦大加報導。1990年代開始，唐人新村被開發為低密度住宅區，獨立洋房聚集喺唐人新村沙井路、唐人新村路一帶。而合興食油亦喺1991到1993年間將生產廠房由應用不敷嘅荔枝角青山道搬去嗰度。

城巴喺1990年代末曾設有唐人新村車廠，具體位置喺唐人新村路丈量約份第121約第1263號地段、第1207號地段餘段、第1265號地段餘段同埋第1208地後段A段。間廠喺2001年俾城巴屯門車廠所取代，原址而家係中港混凝土有限公司嘅混凝土攪拌站。

發展

2013年4月16號，香港政府展開喺元朗南發展房屋嘅可行性研究，發展完成後，佢會成為元朗新市鎮嘅延伸部分。唐人新村位處未來元朗南發展區嘅「花園城區」，係一個低密度住宅發展嘅社區，以配合而家低層同埋低密度嘅住宅社區，同埋一啲已規劃嘅發展。「花園城區」提供寧靜同埋綠化嘅環境，通過規劃嘅休憩用地及網絡保留嘅次生樹林同埋天然河溪，配合現有嘅寧靜生活環境，連同唐人新村南面嘅田園地帶，營造喺園林同埋綠蔭中居住嘅氛圍。呢啲住宅社區係按現行分區計劃大綱圖訂定嘅地積比率（1倍）發展。

發展局表示，包括考慮將元朗南已經荒廢或者被破壞嘅農地及工業用地改作其他用途，以滿足香港嘅整體房屋及其他需要；喺制訂土地用途建議及發展密度時，會考慮附近鄉村嘅特色及文化遺產，亦希望透過此規劃加強同元朗新市鎮及周邊發展嘅連繫，包括擬議嘅洪水橋發展區。發展局強調暫時唔考慮以發展香港新市鎮模式喺上述嘅地方進行大規模嘅收地行動，另外亦唔排除公私營合作嘅可能性。

住宅同洋房

唐人新村而家有一啲低密度住宅同埋獨立洋房，主要項目包括：

• 柏巒
• 柏𣾷
• 采茵軒
• 金碧花園
• 翠峰
• 瑋珊園
• 翠疊軒
• 啟欣軒

交通

小巴

31^[1]

• 星期一到星期日：

• 上晝 06:00 - 夜晚 11:00
• 元朗（康景街）> 唐人新村（循環線）

31A^[2]

• 星期一到星期五（除咗公眾假期）：
• 上晝 07:00 - 上晝 08:30
• 唐人新村 > 元朗廣場（循環線）

參考

1. 〈31小巴〉。
2. 〈31A小巴〉。